【Rising Star】超新⭐的打吡夢！你哋❤邊隻？
追星網址：https://bit.ly/2PRQX5G
星期日第八場賽事，將會上演四歲馬經典賽事系列最後一關，香港賽駒一生只有一次機會角逐嘅「寶馬香港打吡大賽」！十四隻參賽馬入面，有八隻係第二輪嘅超新星！
講返個數據俾大家聽，近十屆呢項賽事，勝出檔位平均，6檔或以內贏過3次，而7檔開外就贏過7次，即使排14檔，亦有「陽明飛飛」及「雄心威龍」可以克服到！
「金鎗六十」、「幸福笑容」、「勝得精彩」、「幸福掌聲」、「孖寶兄弟」及「精神威」，喺香港經典盃已經對壘過。當時「幸福笑容」彎前發力，結果「金鎗六十」後發先至，以半馬位壓倒廄侶，而「勝得精彩」末段均速得第二，今次三匹馬再對，「金鎗六十」(9檔)，預計守二疊較後位置，可否連過三關，再一次成功突圍？「幸福笑容」(1檔)起步，有機會內欄受困，但潘頓騎過一次，汲取經驗後，會否跑得更好？至於「勝得精彩」(8檔)，重配人馬七戰四勝的莫雷拉，可否締造驚喜？
至於「孖寶兄弟」(13檔)、「幸福掌聲」(11檔)及「精神威」(5檔)，前者晨課鬥口情況減少，有少許進步，「幸福掌聲」喺香港經典盃跑第五，亦有唔錯走勢，而「精神威」有機會貼欄放頭，三駒有無機會交出更進步表現？
至於羅富全馬房嘅「駿龍駒」(14檔)及「超級緣洲」(4檔)，本身長力足夠，但面對呢班四歲強手，有無得爆冷？
你哋又鍾意邊隻馬？留個言傾下啦！
#ShatinRacecourse #GoRacingHK #超新星 #RisingStar #寶馬香港打吡大賽
