呢幾日都陸續有大地之友PM我（以後稱大家為大地之友，好嗎？🤣），問我法羅群島點去架？好高興多左人認識法羅群島同埋有興黎旅行☺️今日我就同大家講下點樣由香港出發黎法羅群島啦！
1.由哥本哈根（機場碼：CPH)轉機
香港並無直飛法羅群島(機場碼：FAE)的航班。如果要黎，最好由哥本哈根轉機。因為哥本哈根每日都至少有一班飛往法羅群島的航班，價錢都比較便宜。現時有兩間航空公司營運哥本哈根飛往法羅群島的航班，分別係北歐航空公司（SAS)同埋大西洋航空公司（Atlantic airways)。由哥本哈根飛去法羅群島約需要兩小時。
A)北歐航空
我建議坐SAS,因為咁就可以由頭坐到尾都係同一個航空公司，行李唔使煩，直接寄到終點站。坐北歐航空要由香港先到斯德哥爾摩(機場碼：ARN)，再由斯德哥爾摩到哥本哈根，再到法羅群島。暫時香港未有直飛哥本哈根的航班，所以想喺哥本哈根的朋友就點都要轉兩次機啦！
B)國泰航空
但唔想轉兩次機咁煩又可以點？可以等到下年！國泰航空下年的5月2號到10月12號會有直飛哥本哈根的航班。但國泰出名貴，大家要諗清楚啦！
C)其他航空公司
咁當然仲有好多航空公司可以選，例如我試過坐芬蘭航空去到赫爾辛基(機場碼：HEL)再飛去哥本哈根。亦試過坐漢莎航空飛去法蘭克福(機場碼：FRA)，大家可以比較下唔同航空公司飛去哥本哈根的價錢再決定！
2.由倫敦轉機
唔想轉咁多次機的朋友亦可以選擇由倫敦轉機！Atlantic airways 有營運由倫敦飛法羅群島的航班。但機票一般都比喺哥本哈根轉機貴。
3.由其他歐洲地方轉機。
其實Atlantic airways 仲有營運唔同歐洲城市飛往法羅群島的航班。但並唔係daily flight。如果大家想一次過去冰島加法羅群島，其實可以喺冰島首都雷克雅未克（機場code:REK)飛黎法羅群島。另外仲有挪威的卑爾根（機場code :BGO)、蘇格蘭的愛丁堡（機場code:EDI)、西班牙的巴塞羅納（機場code:BCN)等等。但記得要查清楚日期！因為呢d城市唔係日日都有機去法羅群島架！
咁究竟咩月份黎法羅群島最好？當然係夏天！約6月到9月！呢個季節仲可以睇到可愛的puffin 鳥。但有朋友想黎睇極光的話，我建議1-3月黎。12月呢度天氣好差，一黎日照時間短，二黎好凍，大地之子個姑姐就喺呢個月出街，畀風吹到幾米遠，跌斷左隻手。呢度大風起黎真係好大風！冬天黎的朋友一定要帶夠衫啦！（可以睇呢篇法羅群島衣著篇：https://www.facebook.com/whereisfaroeislands/posts/310179179454578）
咁我呢就無聊咁search 左如果喺未來一年每個月坐北歐航空由香港飛到法羅群島的最平價錢的日子。有興趣黎的朋友就留意下啦！
2017年10月
20號出發28號回程：$8739
2017年11月
11號出發23號回程：$6423
2017年12月（聖誕之旅）
18號出發29號回程$6423
2018年1月（極光之旅）
19號出發27號回程 $5840
2018年2月（情人節之旅）
4號出發15號回程 $5840
2018年3月
10號出發17號回程 $5840
2018年4月
16號出發27號回程 $5840
2018年5月（勞動節之旅）
1號出發11號回程 $5840
2018年6月（端午節之旅）
12號出發21號回程 $7006
2018年7月
基本上成個月都係$9744
2018年8月
基本上成個月都係$8570
***以上價格係我喺9月23號所查的價格，只供參考。每日價格都會有d浮動。都係以官網價錢為準啦！
希望幫到大家☺️如果有咩交通上的問題或者任何有關法羅群島旅遊的問題，隨便問啦！
---------------------------------------------------
想睇更多法羅群島靚相？
請follow ig: whereisfaroeislands
https://www.instagram.com/whereisfaroeislands
羅浮敦群島極光月份 在 挪威l 北極圈Lofoten Islands 羅浮敦群島篇2020 ... - YouTube 的推薦與評價
如果你們有follow我的instagram應該知道我最近和家人去了趟挪威（2020年3月）終於剪好了旅程的第一條Vlog跟大家分享Lofoten Islands 如畫的風景View ... ... <看更多>