【加拿大足球：Vancouver Whitecaps FC】
.
去咗加拿大一段短時間，除咗面對新地方嘅適應，當然要去感受吓佢哋對足球嘅氛圍。話說加拿大有三個球會係踢緊美職聯，分別係Vancouver Whitecaps FC，Toronto FC以及CF Montreal，而阿靴今次就去睇Vancouver Whitecaps嘅主場比賽，畢竟佢係最近自己生活嘅地方。
.
話說Vancouver Whitecaps非常重視今場賽事。因為疫情嘅關係，Vancouver Whitecaps上季度嘅大部份賽事，只能夠於美國嘅Portland同Salt Lake City進行；而今場賽事，可以話係接近一年嚟，首次重返主場BC Place比賽，並結束整整31場嘅作客賽程。
.
當日嘅比賽係Vancouver Whitecaps主場迎戰擁有卡路士韋拿嘅LAFC。比賽於晚上七點舉行，阿靴就大約早約一小時到達，球場附近有一個美食區，區內有數架食物車响度，俾大家叫嘢食同嘢飲。
.
氣氛最正嘅係响開波前，一班Whitecaps球迷手持藍色煙霧，同埋球會旗幟，嗌住打氣口號步入球場。阿靴一直以為加拿大唔係太重視足球，真心估唔到呢度嘅足球氣氛都幾唔錯。
.
阿靴正式進入球場，正式開波前，Vancouver Whitecaps邀請咗加拿大女子足球隊進入球場繞場一周，接受大家對佢哋嘅歡呼，原因係佢哋於奧運會上勇奪金牌。比賽前，賽會亦安排咗歌手獻唱美國及加拿大國歌。
.
於睇波嘅位置上，由於阿靴預算唔多嘅關係，只能夠選擇最便宜嘅位置，亦啫係龍門後面嘅位置。不過好幾地方係，佢係主場球迷區，自然可以充分感受到球迷嘅激情，而再次估唔到嘅係，因為今次係重返主場，球會贈送每人一件印有Homecoming嘅白色Tee。
.
講返比賽，LAFC於大部分時間拎到主導權，可惜往往未能轉化為入波，阿靴最期待嘅卡路士韋拿更加早早於上半場15分鐘傷出。LAFC上半場補時階段博到12碼，以零比一進入更衣室。下半場比賽仍然係LAFC嘅主導，不過Vancouver Whitecaps嘅反擊奏效，最後以2：1反勝對手，當中後備入替嘅蘇格蘭快翼Ryan Gauld表現相當耀眼，佢更加於89分鐘射入致勝嘅一球。
.
於外國，阿靴發覺會有唔少足球場上嘅共同語言，例如前鋒浪費咗單刀機會，有球迷會大叫：「我退咗休嘅阿媽都踢得好過你！」，又例如，如果對方嘅球員倒地，又會有球迷會大聲講：「唔跌得嘅話打乒乓波囉！」，感覺相當親切。
.
比賽後，球隊球員會前往主場球迷區一齊合唱老歌 “Stand By Me”，相信佢係一個球會嘅傳統，而Homecoming贏波嘅一眾球員同球迷亦相當興奮。
.
前往加拿大前，阿靴一直留意著各地嘅足球文化。自己一直都覺得，足球嘅互動同影響力可以係好大，佢可以團結到一個社區，令社區有自己嘅歸屬感；不過當然，背後亦同當地嘅政治社會生態有絕大關係。於這裡，自己能夠感受到足球嘅力量，對整個社區嘅正面影響，的確令自己有點感動。
.
於比賽後，阿靴戴著Whitecaps FC嘅頸巾去快餐店食飯，有一個Local問阿靴，「球隊贏波嗎？」
.
最後，雖然只係來回咗一兩句，但已經感受到，大家都係社區嘅一份子。
.
--------------------------------------------------
【屎波裝備多Instagram】Follow: instagram.com/hkfootballreview
【波Boot實測】Desporte Tessa Light ID PRO1: https://youtu.be/nsshfwk3aUA
【波Boot實測】白飯魚: https://youtu.be/-dbvs0_YgiY
【波Boot比較】五對驚喜釘Boot: https://youtu.be/vzDRe25kkrM
美國對加拿大足球 在 美國對加拿大足球的問題包括PTT、Dcard、Mobile01 的推薦與評價
美國對加拿大足球 的問題包括PTT、Dcard、Mobile01，我們都能挖掘各種有用的問答集和懶人包 · 接下來讓我們看這些論文和書籍都說些什麼吧： · 除了美國對加拿大足球，大家也想 ... ... <看更多>