《屌，大叔的愛真係好煩啊！！！》
終於輪到我喇……
大叔的愛，終於霸佔左我部電視，聲稱唔係Mirror Fans既老婆，返到屋企攤係沙發睇大叔的愛，仲要開到大大聲！
我係旁邊枱打文，都慣喇，一心二用，一邊陪佢睇，一邊打文，真係習以為常，但係今次……
我真係頂佢唔順……
九點開始，我近乎一隻字都無打過！！！！
我估唔到……我竟然唔可以一心二用，好耐無見過一套劇可以令我唔敢睇少一兩幕……好耐無見過一套劇可以令我集中精神睇到呢個程度……好耐無見過一套劇可以令我笑得咁開心……好耐無見過一套劇可以令我有窒息同揪心既感覺……
我淪陷喇……
由對老婆叫我買Anson Lo既牙刷嗤之以鼻，到依家我覺得買佢牙刷都唔錯啊，起碼，佢真係令我開心過，笑過，感動過。
仲記得早排我先覺得自己要加入老婆嫁左比Mirror導致婚姻破裂關注組。
我諗過好多方法想去嘔心老婆，例如扮Mirror，日日講Mirror講到佢煩，但原來所有方法，都係錯晒方向。
If you cannot beat them, join them!
今日睇到何君堯話，咩大叔的愛會犯國安法，平時我都覺得呢種小丑唔應該比反應佢，但都差少少忍唔住要屌。
你明唔明白咩係愛啊？
愛唔係用法律，同恐嚇，用限制去令人有愛，而係用開心、快樂、感動去孕育愛啊！！！！
阿何生，你除左令人多左憎恨、矛盾之外，帶過咩比人啊！
愛，唔係用口講，而係要做嫁！
大叔的愛，真係好煩，我要等老婆睇完先可以專心打文……
老先覺外帶 在 老先覺功夫窯燒鍋- 【#防疫食刻外帶即刻】外帶整單88折 的推薦與評價
老先覺 與大家攜手對抗疫情！ 5/27(四)～6/20(日)外帶享優惠✨ 單筆消費全單88折 ... ... <看更多>