//支持本page請Click入內文比Clap，謝謝…//
華星冰室於10月25日發表咗一份新嘅聲明，並分別張貼於FB PAGE及餐廳門口，內容除咗係澄清譚詠麟並非店舖股東之外，亦順勢強調部份小股東政見並不代表全店員工同管理層，老闆作為巴基斯坦裔香港人兼回教徒，生於斯長於斯，「願意同港人承擔抗爭帶黎嘅後果」訴之以情，最後甚至響聲明入面講到明「管理層完全支持民主自由訴求，支持成立獨立調查委員會」，基本上就係全面向黃絲跪低。
有趣嘅係，其實早響8月26日，華星冰室嘅Facebook Admin其實早已出過個類似當日吉野家嘅「割席聲明」，表明有唔少華星冰室嘅員工同藍絲股東政見完全唔同，甚至乎因為參加抗爭因而影響到工作亦無被老闆炒魷云云──但同吉野家一樣，由於黃絲們一早已對華星冰室失去信任，段聲明基本上係被當成廢話，結果先要響兩個月後嘅今日由集團主席、響包括餐廳門口再次發表一段跪低聲明「懇求消費者體諒」；
咁樣當然係再次證明，裝修同罷食，對於藍絲店舖都切實受到傷害，而無論政府定係藍絲，似乎都無有系統去作出實質支援，令呢批藍店只能夠艱苦經營落去，最終只能夠從撐警同生存之間作出抉澤。
究竟華星冰室犯下咗咩罪孽，令咁多香港人將佢判定為藍店呢？
一、響抗爭之前，其實已同阿叻、譚校長過從甚密，多番邀請佢地協助宣傳、會響Facebook同佢地慶祝生日，甚至乎集體主席簡民迪本身就係前StarEast員工、有傳係譚校長同阿叻頭馬；
二、華星股東包括朱慧敏、莊思敏都先後發表撐警言論，同抗爭者為敵；
三、自從阿叻譚校長積極參與撐警集會之後，華星冰室一直保持緘默，拒絕與其割席，只係8月尾響FB以Facebook Admin身份發表咗一份立場曖昧嘅聲明，就算轉軚亦轉得太遲
但從華星冰室目前再一次發表同藍絲割席宣言，再加上清楚列明支持民主自由、成立獨立調查委員會，於是就牽涉一個極大嘅議題：就係究竟當藍店轉黃嘅時候，我地應唔應該原諒佢地、甚至重新接納佢地呢？
響反對原諒者黎講：
1. 如果藍店去到最後一刻跪低我地就捐棄前嫌，咁對一開始就力撐抗爭嘅黃店會唔會太唔公平？
2. 而家華星冰室只係發表咗個聲明求其噏幾句，如果咁輕易就原諒佢，日後佢見形勢唔對，反手變番藍咁點算？
3. 同理，如果轉黃條件太低，變相就係鼓勵其他藍店為求X其發個曖昧聲明就可以食盡兩家茶禮；而家市道唔好本來大家都響度捱緊，如果比一堆混水摸魚嘅假黃店呃走啲客，可能就輪到真黃店頂唔住架啦！
但對於支持原諒者而言：
1. 壯大抗爭時勢好多時候係要靠雪球效應，如果我地比倒個訊息其他藍店睇倒，繼續撐警就會被罷食同裝修；但只要轉軚支持抗爭者就能夠重新吸引番顧客上門，咁好快全香港大部份店舖食肆就會成為抗爭者嘅後盾；
2. 當初判別黃藍店之別嘅時候，其實好多黃店所謂支持抗爭嘅門檻都好低；同埋好多舖頭啱啱警醒咗邊邊先係正確，可能都仲學習緊，好難叫佢地下下一轉軚就去到最激；
3. 掉番轉，如果藍店想轉黃仍然被斷然拒絕，咁就等若話比所有藍店聽，佢地除咗全力撐警再無其他出路，最終成為藍屍中堅力量；
我覺得兩邊嘅意見其實都各有道理。一方面我係好難理解有班人係會覺得一日係藍店，就以後永久罷食，而完全唔容許他人棄暗投明果種心態；另一方面我地太容易原諒過往支持暴戾政權嘅藍店，亦好容易予人混水摸魚嘅機會──就好似當年民主黨走入中聯辦出賣選民，而竟然一句道歉都無班黃屍就經已完全當無嘢。
所以我嘅結論係：對於嘗試由藍轉黃嘅店舖黎講，目前最多就只能以白店看待──所謂白店，就係既不裝修、亦不呼籲支持，罷唔罷食則見仁見智；同時網民亦應繼續要求其就抗爭立場作出更清晰表達，例如有人經已講要求華星冰室將「校長多士」改名為「民主自由多」；又或者要求撐警股東退股、容許將店內部份地方化作連儂牆等等。
而最簡單嘅指標應該係當呢啲改邪歸正嘅店舖開始被藍屍圍攻，被惡毒攻擊至無辦法再番轉頭時，就係藍轉黃達標之時。
即係包括華星冰室老闆、仲有唔少香港人其實仲未了解得到今時今日，幫唔幫襯一間舖頭，其實已等同於戰爭──有人話黃藍是政見，好味是良知，我唔可以話錯，但既然話打緊仗，只要你係真心相信罷食有效，就算係好食嘅舖頭，只要係藍店，當然就係要忍口；
掉番轉，我甚至認為成日爆棚、已被太多人「懲罰」嘅人氣黃店，其實亦都無必要特別走去排隊，畢竟坊間艱苦經營嘅黃店實在太多，有得留肚都盡量走去幫佢地。
至於比較尷尬嘅係果啲難食嘅黃店，好多人都猶豫我地究竟應唔應該撐？我嘅睇法係作為一間食店如果整得難食，無論有無人幫都好難生存落去。而食嘢經已係響呢個抗爭時代入面，我地僅餘唔多嘅「享受」，實在無必要連食飯都作賤自己──不過咁，香港其實都唔少人將垃圾當美食，由佢地去支持亦無不可。
廢老KOL如燈神燒由佔中去到今日，仍然用「社會動盪令食肆生意難做，好快民意逆轉」黎做藉口，叫大家快啲散水，卻唔明白「生意難做」正正係對黑紅藍店施加壓力嘅最大阻嚇力武器。
佔中時成班餐廳老闆覺得無辦法迫政府讓步，於是就遷怒於抗爭者身上；今日反送中餐廳老闆卻係明白如果企響抗爭者對立面隨時死得仲慘，結果反而係埋怨政府而向抗爭者跪低。欺善怕惡、只向弱勢嘅一方施壓係人類天性，同時亦係「抗爭物理學」嘅重點。廢老KOL既不相信群眾，自己亦有飲食生意，當然就係想抗爭快啲散水，保護自己既得利益為先啦。
老闆真有趣人氣爆棚店 在 [緯來]3/5 老闆真有趣!人氣爆棚店- 看板JP_Entertain 的推薦與評價
[首播]18:00~20:00 [隔日]00:00/04:00/17:00
ヒューマングルメンタリー オモウマい店
【ＭＣ】ヒロミ
【進行】小峠英二
放送內容:
【群馬】～気が付けば孫うどん店～ (日本播出日期:2022年2月22日)
【京都】～店前にお花が咲いている店はオモウマい！？～(日本播出日期:2022年3月1日)
個人很喜歡的節目，最近都沒實況文決定自己上
請問有人知道T大之前那種詳細節目資訊要去哪邊找嗎?
--
※ 發信站: 批踢踢實業坊(ptt.cc), 來自: 111.241.119.118 (臺灣)
※ 文章網址: https://www.ptt.cc/bbs/JP_Entertain/M.1677947109.A.B8D.html
感謝大家回覆，目前節目資訊就是在節目官網找的，
但T大版本會內容簡介跟來賓，在官網沒找到才有點疑惑
... <看更多>