【秒速延期！仲有一連串福記Delay馬拉松！】
《變種特攻：黑鳳凰》預告片前日先公佈，香港甚至已經谷行宣傳，鎖定係大年初一賀歲檔上映，點知福記突然將佢延期至2019年6月7號攻暑期檔。到底係信心十足，定係信心不足，還是想同8月、兼delay超過一年嘅《新異變人》做個呼應？（IMDB好型咁，仍然寫住香港比美國早四個月上映）
老老實實，我個人期待有另一套《神奇4俠》橫空降世。😂
與此同時，原定聖誕檔期嘅《銃夢：戰鬥天使》，又再一次延期（原定今年暑期檔）到2019年情人節檔，叫做頂返《變種特攻：黑鳳凰》原本個位。呢套就真係信心不足喇，講明為咗避免同《水行俠》、《大黃蜂》正面對撼。
至於再一度延期係《牌王》，由明年暑期檔延期至2020年3月。講真，呢套嘢由《變種特攻：狼人外傳》話拍，拍到一直延期，都延咗接近十年，去到2020年果陣，你同我講2030年先至上映，我都覺得情理之內。Channing Tatum到時可能都拍到《99 Jump Street》了。
咁聖誕做乜好？福記聲稱會剪個「潔淨版」《死侍2》，上PG13喎。吓，咁都得？
如果大家有印象的話，《鐵血戰士：血獸進化》都係由二月delay到三月再到八月再到九月，睇嚟係福記特色。
小弟的原創小說反應熱烈，加推後已剩下最後不足10本，欲購從速：goo.gl/J9QdBR
❤自製明信片正式開售，另現凡購買新書即免費贈送兩張：goo.gl/Dfmpbc
－
‼台灣書局亦已上架，可去文中連結購買 🇹🇼 | goo.gl/xzCymP
－
【IG請follow】www.instagram.com/travelerwithmovie
聖誕做乜好 在 #聖誕好去處 - Explore | Facebook 的推薦與評價
explore #聖誕好去處at Facebook. ... 香港各區都有唔同聖誕燈飾，各有特色，例如閃令令海港城獨角獸樂園、復古利東街、巨型聖誕等。 ... 一家大細嚟到工展會有咩做？ ... <看更多>