<<轉工！做乜！諗野！>>
4月已經進入左轉工嘅旺季，大家係唔係都密密咁上各大求職網站，希望幫自己搵過第個好老細？先講講立場先，係窮生嘅角度係同意定期（30歲以下2-4年）轉一次工。因為除非你做緊果份工真係好好發展，例如不停升職，老細好器重你，同事都相處融洽。否則不轉工的話很容易把自己的工作定型，見識嘅人同事都少左，最重要係如果一個人係公司長年唔轉工，佢underpaid嘅機會其實係非常高的。
其實窮生早前已經有文章講見工開價，也有講好工準則，今次想同大家分享下對轉工嘅睇法同心態。
了解市場情況，了解自己價值，決定不要太「情緒化」！
其實就算係未有轉工念頭先前，作為一個精明嘅打工仔，都必先要對行業嘅情況有相當嘅了解。例如自己可以係市場搵到咩類型嘅工，呢個位人工大約水平係幾多等等。了解自己係市場嘅價值，先可以對係唔係時候轉工有更準確嘅判斷。唔好「自己覺得」份工咁辛苦，人工又低而覺得要轉。
係轉就轉！唔好跳草裙舞！
好多人一方面會害怕去接受新事身，覺得做生不如做熟，又不甘長年被公司睇死唔敢轉工。於事會作下撞去見下工甚至賭白頭片大公司話自己有Offer。當有意轉換下快跑道嘅時候，就一心一意找尋下一份適合你嘅工作。經一事長一智，細心留意新公司，新公細係點。「準同事」工作時候嘅氣氛。決定左接受工作之後，就唔好用個offer去「勒索」個舊老細，做人都有返少少骨氣，係走就走，大不了做幾年回巢，大家好黎好去。
為轉而轉，實為你食我舊屎，我食你舊屎。
轉工係好景嘅時候係一個上升階梯，因為有人升職，舊職位從缺，所以請新人補上。係市道一般嘅時候呢類好位相對係少，而旺季點解仲有咁多位可以俾你地跳黎跳去？就係因為大家都交換左大家份伏工，而只係加得果6-10%嘅人工。所以應了解自己轉工嘅理由，係因為環境？錢？人事？發展？所謂工無完美，冇可能樣樣野都好仲會等你黎做。轉工應先問自己需要，例如你係因為錢而轉，咁你就唔好埋怨點解新工成日ot，同事又麻麻之類。
不為公司工作，為自己工作！
好多打工仔，尤其係剛出黎社會工作嘅後生仔都成日會埋怨萬零蚊做死人，咩都要做。實情有時所謂老生常談嘅野只要換個角度理解，就會覺得有道理。上一代人叫你後生仔唔好計較咁多，後生仔一定聽唔入耳。而家就由窮生呢個後生仔話你聽，真係唔好計，因為點計都係唔抵。你萬零蚊一個月可以俾咩你做？你要計，保安坐係度望住個門口都有你咁多人工。咁你咪咩都唔洗做？事實就係，你應該學多ｄ野，以前係大學一年俾幾萬蚊學野，你唔俾心機可能你因為ｄ學費都唔係你俾。而家出黎做野有人俾錢你，如果你只你人地叫你做你就做，你係幫佢做野，你係奴工。如果你係佢叫你做嘅工作入面學哂ｄ野，咁你係為自己工作。日後呢ｄ技能就成為你嘅利器。
想當年窮生入行，去一家細企業當個Junior designer，老細人很好，但因為公司細，俾唔到好offer，年假也只有七日。老細知窮生懂會計，也精於安排工作。除了設計，窮生也會參與造標書，連同事的年假也會由我處理。窮生入職時是12k人工，如果係你，可以會覺得痴線，我只係做設計，點解要做咁多野？窮生冇咁諗，反而好開心。我用了１年的時間了解中小企的運作，出單，開會，set up的知識。我在這家用公司工了２年不到，我跳到一家大公司工作，人工17K，當時我向舊老細辭職，他很愕然，問窮生：「是不是錢的問題？如果我加到你20K你會否考慮?」當然我立即說：「不會了，我已經應承了對方，反正都應該出去學下野，可能第時返黎幫到你手呢！」
5年後的今天，最後窮生沒有回到舊公司工作，然而每年他們都會請我回公司吃團年飯。
