有喜訊公布！ 美劇咁樣睇 #共同發佈
月頭時咪講過 Now TV個歐美劇自選服務Now Studio (https://bit.ly/3dgvEEZ)，搜羅咗美國STARZ台啲劇嚟播嘅，當時就話，如果NowTV買埋平行宇宙科幻劇《Counterpart》嚟播就好啦！今日收到消息，真係開口中咗（六合彩係咁就好啦）！五月會喺Now Studio上架！
呢個劇得兩季就完咗，故仔講德國嘅諜報部門，原來管理住一度可以穿梭平行宇宙嘅門，兩邊世界因為一啲唔同嘅事件，有唔同嘅歷史走向以及科技發展，將東西德當年嘅圍牆兩邊世界演繹成平行宇宙，但佢仲玩多樣嘢，就係分身！平行宇宙有另一個自己，男主角 J. K. Simmons就係其中一個有另一個分身喺對面宇宙，為咗查探一宗間諜案，而引發一連串問題，揭開更多秘密！
呢個劇早兩年都已經寫過，詳情可以睇返我啲文（第一季劇評：https://www.facebook.com/usdramalover/posts/2115170695396232）（第二季劇評：https://www.facebook.com/usdramalover/posts/2369654406614525），但係香港正式有得合法睇，真係正到爆，大家記得捧下場啦！
除咗《Counterpart》之外，HBO台同BBC One喺2019年合作嘅劇集《Years & Years》都一樣放喺Now Studio播，官方譯名叫《未來歲月》。
播呢個劇真係勇呀！
雖然成個劇得六集，但係當年劇集推出時，香港HBO又係無得睇，就連大陸啲字幕組當日都全部唔敢譯呢個劇，連微博同討論區都無晒相關字句。
因為《未來歲月》第一集就有美國用核彈炸毀中國於南沙設立嘅人工島-紅沙嘅劇情，雖然成個劇集係科幻政治劇格局，後面講嘅嘢都無乜提中國，但都夠嚇親啲自幕組啦！
《未來歲月》係講2024年之後嘅事，並且當特朗普會連任美國總統為故事線，講到去侵侵第二次任期完結之前，決定玩鋪勁，出埋核彈射中國領土，但最後中方讓步，美國受國際制裁。而鏡頭就交代之後英國難民營有人高舉習大大嘅公仔大玩特玩。
時移勢易，依家侵侵未能連任，成個劇就由預言劇變成幻想劇，相對安全得多，仲有故仔後段講英國政府越嚟越向極權方向走近，Emma Thompson飾演嘅首相Vivienne，仲設立集中營管理歐洲難民問題，可以用呢個位反射去醜化英國政府，播呢個劇即刻變成向英國挑機，為國家爭光添呀！（至於Emma Thompson個角色暗示梗紅色政權呢啲位，就各自解讀啦！）
之前喺香港Amazon都無上架嘅迷你劇《Zero Zero Zero》，五月都會喺Now Studio有得睇，仲改咗個中文片名《毒.易:零和遊戲》（應該讀做「毒液零和遊戲」，人地唔係影射620架），呢個劇完美示範不同視點劇情拍攝方法，超好睇，係我2019年十大愛劇之一，又係可以睇返我之前寫嘅文(https://www.facebook.com/usdramalover/photos/a.1939498176296819/2929598010620159 ）！
講嚟講去好似得啲好舊嘅劇咁？唔係架，有套Sky嘅2020年尾出嘅英國新劇《蘇絲的艷照風波》（I Hate Suzie》，迅間成為年度最佳作品之一，一樣五月會喺Now Studio上架，呢套劇講一個過氣女星俾人Hack咗部手機，揭開佢所有秘密。之前有美劇狂人加持過，我自己未睇，應該會入坑睇下。
英國難民 在 英國難民組織第二篇！ 為難民和流離失所者購物 的推薦與評價
Refugee 101 Taiwan Soho मा हुनुहुन्छ। ... 推薦原因： 許多人有心捐款給世界各地的難民幫助他們重建家園或滿足食衣住行等基本需求，卻不知道該如何在眾多 ... ... <看更多>