居英權第二代
我係居英權第二代，當年阿爸申請居英權，所以嗰時未成年嘅我自動就變咗做passport holder。因為自已當時响英國讀書，乜都唔知，番香港放假嘅時候就換咗passport。老老實實，廿幾年前嘅香港，無論passport個外形同作用，對我黎講作用係分別唔大。只係知道，當時好多親戚朋友唔係去加拿大就係去澳洲，自已一家就邊度都唔洗去。
過咗97之後，人越來越大，但係香港環境又越變越差。自已就開始諗，會唔會有一日，唔只係用個passport去旅行，而係用佢黎去英國呢？
坦白講，我未開始申請老婆同個女一齊去英國之前，一路以為我經已係英國人，個女自然係都係英國人啦，老婆就簡簡單單send張form就得啦。
最後，當我同老婆決定去英國嘅時候，我自已google下，先知道當年我做仔嘅時候攞嘅居英權，係我阿爸阿媽作為British citizen otherwise than by descent傳比我，而我就係British citizen by descent。
作為British citizen by descent，我嘅小朋友如果唔係响英國出世，就唔會自然成為英國公民。咁就唔好講我老婆，佢更加唔係啦。
知了解咗之後，就去Home Office嘅website睇要點搞啦。個website的確好清楚咁講你知，有乜要求點可以先可以成為British citizen。但係，第一步點做呢？去問Home Office的話，打電話就會叫你email，email就會叫你睇番website，玩死
幾經research，我先知第一步佢地係要申請residence visa。咁點攞residence visa呢？唔好諗住去香港英國領事館去問，因為英國領事館係唔會handle任何visas嘅。
我可以同大家講，當中嘅細節、要求同步驟，你係唔會睇到或者搵到。有乜細節要求，因為太煩太多，下次分開講。
如果有朋友同我一樣係居英權第二代，可以留言或者in-box我，大家交流下。
#居英權第二代
#Britishcitizenbydescent
