一文看清，越看越唔清，今日先同大家睇吓內文第一段。
作者用以前高考嘅中國語文及文化科(中化科)、以及07打後嘅會考、dse中文科做橫向對比。不過，大家有冇懷疑：點解佢哋唔用2007年嘅會考做比較呢？
因為冇辦法嘩眾取寵。
2006年及以前嘅中文科，只設寫作及閱讀，簡單直接，冇人投訴。範文仲佔閱讀卷七十分，背書派更加歡迎。用佢做例子，完全prove唔到中文科點樣｢玩足學生三十年｣。
中化科呢？由始至終都係果五張卷(閱讀+文化題、實用文、聆聽、口試、校本評核)，睇落夠晒複雜，歷史悠久，未考過/教過嘅人絕對會相信｢中文玩足學生三十年｣。事實上呢？中化口試唔止考小組討論，仲會考個人短講(DSE、會考就只玩小組討論)、寫作只寫實用文、文化題亦有範文可跟。果啲｢題目似大陸高考｣、｢豬隊友累事」等等嘅投訴，從來冇出現過。所以，如果以此為例，｢中文科玩足考生三十年｣，根本唔會成立。
因此，作者其實只係採櫻桃(cherry-picking)，用盡所有方法吸睛。而且，今時今日只要攻擊中文科，就係政治正確。
#英文數學等等都玩足幾十年 #點解冇人投訴嘅
#下次同大家討論吓考試制度 #BenSir同你學教仔
英文數學等等都玩足幾十年 在 學英文要花多少時間，才可以不用再學？公開我的英文學習時數 ... 的相關結果
一直以來，都有不少想盡快學好英文的朋友們來找米小鹹問事，問的內容大概都長 ... 等等都不同，我怎麼會知道呢？ ... 至於工作這幾年的英文學習成果. ... <看更多>