我從來唔會否定呢班地產商講既野岩唔岩
因為從今以來, 答案永遠都係由人去建立出黎,所以根本無分對與錯
但你班仆街咁大條道理起出黎話為年青人好呀麻..係機會上車呀麻
你夠撚膽就自己搬入去呢間128呎既所謂宿舍
仲要話好靚, 然後好開心對住塊鏡話最緊要活得精彩!
咁大個人都唔撚用腦 講出黎怕唔怕俾人笑呀?
俊和，記住佢，股票編號711。屯門推新劏盤菁雋（TPlus），夠膽死最細單位得128方呎。Fine！係冇人性㗎啦，不過你做生意，有供有求我吹你唔脹！
離譜嘅係，你走去將層樓類比做宿舍？同我講「就算皇帝都係瞓張床，紫禁城大到呢，佢都未去過⋯⋯而佢擁有的空間是無限」喂！係好嘢喎，能夠將空間問題轉化為哲學概念，咁香港人「天為被、地為床」得啦，樓？唔使架！#處處無家處處家，道行咁高，可以成佛㗎啦！幫你加句 #認同請分享 呀笨！
好啊！你同我講宿舍，睇返2000年立法會文件，香港嘅大學學生宿舍標準係，單人房面積約86呎；雙人房約161呎。有唔少大學宿舍大過標準少少，當然之後亦有啲雙人房變咗三人房，人均面積係細咗，但個Size係未計公家用嘅洗衣房、廚房、Gym 房、common area！
你同我講「宿舍唔坎坷」，宿舍講緊租金係一萬蚊多啲，我講全學期；依家新樓都係一萬蚊，我講緊一呎，仲未計每月管理費。喂！宿舍梗係唔坎坷，但供樓真係好坎坷。
香港人真係好慘，地產商會同我講：「皇帝都係瞓張床，你瞓囚室夠」，然後食左我副身家；
政府會同我講：「香港人要住，郊野公園你唔使要架啦」，然後橫州就留俾商家；
你不如同我講，「食完飯都係痾，不如唔好食」「人出世就係等死，你不如早日上天家。」Oh Sor！不過陰宅同陽宅一樣，都係要同地產商買！唔好兩頭望快快速速鎊！
在商言商，我明，但Sell 嘢時，與其混淆視聽、指鹿為馬；不如講一句「我係賣劏房，慘得過有人買」，反而來得坦白。
By千頌C
菁雋管理費 在 龍床盤【菁雋】入伙3年 似住咗10年 劏房質素用料手工差 的推薦與評價
印花稅# 菁雋 #納米樓#龍床盤#劏房#上車盤#財政預算案#減印花稅0:00 開場簡介0:56 區內生活配套2:04 入屋睇真啲7:48 業主開價VS 銀行估價 我每個星期都 ... ... <看更多>