【荔園．流金歲月 吃得到的集體回憶】
#興奮的心情 #童年回憶 #以前婆婆帶我去 #母親節再帶婆婆去
「我地去荔園好嗎?」細個時聽到婆婆講就好開心，因為有得玩！坐叮叮船仔啦、掟綠箭啦、去宋城啦.... 到依家我做咗媽媽問女女「我地去荔園好嗎?」原來佢都好開心，因為有得食！動物造型點心啦、啤啤熊飲品啦，超攪笑手撕雞啦.... 仲有得繼續玩迷你版叮叮船仔、掟綠箭～雖然我地兩代對荔園嘅回憶有點不一樣，不過相同的是，荔園都係代表快樂，而快樂，從來都是無價寶。
是日出遊D2 Place二期，因為 荔園 流金歲月新餐牌、新玩樂設施、全新打卡位出場，當然要帶林小食買玩！一幅大大熊仔牆超有「夜香港」感覺，最重要的是「一齊食餐好嘅！」呢句說話真係以前好朋友好同事會成日講，簡直係人生動力來源～ 原來呢度仲重現咗叮叮船、夾夾機、荔園掟階磚等，雖然係迷你版，但贏咗一樣有綠箭做禮物，仲要係永久保存版嘅禮物添，大獎仲有小露寶公仔呀～～～～～神情確威武！
{新餐牌美食推介}
#荔園動物園 包括幾款小點心，可愛嘅「熊人是我」係流沙奶皇包，仲有甜甜地嘅「恐龍千層糕」、「恐龍蛋燒賣」、「雪兔蝦餃皇」，唔單止造型靚，仲好好食！
#荔園摩天輪 小朋友最喜歡嘅摩天輪呀～！「包有Guts」都係流沙奶皇包，同樣有「恐龍千層糕」、「烏龜菠蘿叉燒包」、同埋十分香口嘅「小刺蝟」，係鹹水角黎咖～
#檸檬薏米水 超可愛熊仔樽入面係足料薏米水，清新涼快，而且用左個可愛樽，小朋友飲得好開心。
#芝蔴脆皮手撕雞 林小最愛手撕雞，而且今次呢隻雞皮又香又脆，肉嫩juicy，佢瘋狂愛上了。
#蝦多士 超鬆脆的多士，juicy的大蝦，簡簡單單，小朋友必LIKE!
#紫薯波波球 顏色好靚呀，而且入口好鬆脆，仲有流心餡，小公主表示大愛呀！
另外仲有 #五代同堂炒飯（櫻花蝦炒飯） #士多啤梨骨 #魚湯花膠杞子浸菜苗 #芝心海皇卷 好多好多美食，絕對可以食到停唔到口～食完就玩，玩完又食，人生的快樂就是這樣吧！心思思 #母親節 再同林小嚟多次~~
荔園．流金歲月
D2 Place二期2樓
#mrs1amology #一點小哲學 #ftbbu
#happyhappy💛💟
#全職bb聯盟 #親子blogger #mamablogger #foodie #cookingmama
