#號稱全日本最大露天風呂
150坪 (1 坪約等於3.3㎡)
無計錯應該等於差不多5千5百呎？
頭一兩次黎日本浸溫泉，都會怕怕醜醜，寧願俾貴啲都要租間有風呂嘅客室，但浸多幾次，或浸過大浴場，就會慣哂變得非常豪邁😅😅😅 因為即使幾貴嘅風呂付客室，個風呂點都唔會夠大浴場正嘅！
如果閣下都係溫泉達人/老手，揀呢間酒店肯定勁滿足！離登別約一小時車程，洞爺湖附近嘅北湯沢溫泉♨️
晚餐、早餐都係自助餐形式，咪抱任何期望，絕對一無是處 😛😛😛 請將所有希望寄託喺佢哋溫泉風呂度啦！
（我打呢篇野嘅時候係半夜4點幾5點，已落去浸完半個鐘返房食緊杯麵，黃生都仲未捨得上返黎，可想而知身經百泉嘅佢都完全沉醉左落去）
首先進入地下嗰層，無敵大嘅內風呂有四個，仲有sauna房嗰啲基本野，跟住落一層再有幾個內風呂（立湯、坐湯、肩湯、本日湯、怪湯），之後就係酒店皇牌嘅無敵大露天風呂，係！真係好大！係我浸過咁多間日本溫泉酒店嘅最大嘅一間，完全無遮無擋無頂，我浸嘅時候仲要適逢落雪，靚到仙境一樣！咁嘅環境，幾怕醜都忍唔住要即刻浸落去😳😳😳
高潮真係一浪接一浪😱 喺露天風呂另一邊，沿路行過去有另一酒店皇牌「森の散步湯」總數共20 (男女湯各10個，日夜交替)個不同主題嘅風呂，邊行邊浸，沿路木橋流水，風景一流！驚唔驚跣腳呀？尤其冬天地面結冰好跣咖喎！酒店設計非常貼心，風呂底部有幾個細窿，溫泉水喺呢啲細窿流落地面，咁就唔會結冰跣腳啦！
建議係兩pair人或一班朋友一齊去，咁大咁多種類嘅溫泉，真係好少有，但一個人浸又好似有啲悶，有朋友一齊邊浸邊行邊傾，消磨一兩小時閒閒哋。
如果真係比較怕醜，或驚多人，可以避開多人嘅時間，通常check out 前一兩小時，晚飯後 兩三小時，都會比較多人。間間溫泉酒店嘅大浴場開放時間都有所不同，而呢間 11:00-15:00 係清掃時間，02:00-03:30 係男女湯交替時間，除呢兩段時間外，其餘時間都可以大浸特浸！而最少人嘅時間，通常會係清掃完嘅時間03:30 同埋 15:00，半夜03:30 唔洗講都知實少人，而15:00 係剛剛check in嘅時間，如果你早一日已喺度住，就可以趁啲人未搞完check in手續及剛check in要搞一輪間房啲野先ready去浸，咁呢個時間都會比較少人。
不過⋯⋯
酒店範圍好大，咁大就會有一個缺點☹️☹️☹️就係會做團😩😩😩 不過目測團嘅數目唔多，而且比一般做團嘅酒店乾淨光猛闊落，起碼唔會見到啲地氊一撻撻，啲人又大大聲聲講野咁，相信係佢哋控制團嘅數目，同埋外國遊客與日本客嘅比例。不過呢啲都係我估計與感受。總知為左呢度嘅溫泉風呂，點都要黎一次！
*溫泉範圍唔可以影相，相片為酒店網站相片，但實景更靚
如想要酒店資料及standard room價錢，請留言「想要酒店資料」，我會pm俾你 😘
#日本旅行
#日本自由行 #道東 #道北 #道央 #溫泉 #露天風呂 #北湯沢
#旅遊 #自遊行 #日本 #東京 #大阪 #北海道 #化妝 #化妝師 #JessUp #JessUpHK #2019JapJessup
號稱全日本最大露天風呂 在 【日本最大露天溫泉旅館】#天下一の大露天風呂 ... - YouTube 的推薦與評價
這裡是位在群馬縣的溫泉旅館，阿部寬所拍攝的#羅馬浴場電影的場地。喜歡自然系 露天 溫泉的你們，一定要來這裡看看☺️歡迎到IG看更多照片哦. ... <看更多>