#蟲蟲日記 #飼養5天後 #進化啦
去左2日1夜慶祝生日🎂阿桃將「毛毛」寄養左係姨姨屋企，雖然過程中玩得好開心，但都會問我毛毛有冇乖乖地食野，話蟲蟲成日掛住瞓唔食野驚佢唔會大個仔🤣
點知姨姨話毛毛全日都冇郁過，又唔食葉😱原來姨姨開冷氣唔記得拎走毛毛，因為大自然中蟲蟲係春夏季出世生長，冷氣對佢地嚟講實在太凍啦🥶溫差太大，對佢地嚟講係會致命嘅......
好彩番到嚟毛毛冇事😅仲已經變身成為「綠毛蟲」🐛宜家嘅「毛毛」身體結構強壯好多，可以帶佢出嚟出街街，俾小朋友感受下喇
阿桃好期待同毛毛嚟個親密接觸，無奈毛毛情願係樹枝上面來回行Catwalk都唔要行落佢隻手度，最後唯有出絕招😋拎毛毛最愛嘅幼嫩檸檬葉引佢落嚟，為食嘅毛毛終於把持唔住，行左落嚟喇🥰🥰🥰
毛毛前腳係每邊3隻嘅腳仔，後腳呢其實係吸盤，幫助佢地穩定自己（所以倒吊都難唔到佢地！），大家可以放心，鳳蝶蟲係無毒嘅，但唔好見蟲就去捉，因為其他蟲蟲有機會係有毒架☠阿桃話毛毛吸住係手上面行好得意，超enjoy呢個親密時刻，不過同蟲蟲玩完記得用番皂洗手呀💦🤲
🦋蝴蝶小知識🦋
蛋變蟲最快2天一般3～4天
蟲變蛹要約24～26天
蛹變蝴蝶大概9到～14天
#變左綠毛蟲食糧DoubleUp #好想就會結蛹喇 #又期待又怕受傷害 #因為變成蝴蝶之時就係講再見嘅時候 #唔知阿桃到時會點呢
蟲蟲日記 在 蟲蟲日記 - Facebook 的推薦與評價
蟲蟲日記 by 琦石媽媽很瘋狂 昆蟲/爬蟲：飼養經驗分享. 13 Likes. Yu Yea and 12 others like this. Loading... Try Again. Cancel. Loading... Loading... ... <看更多>