《認命》
😈：賣樓既事，我無意見
🧓🏼：好
😈：老豆既野，你會唔會拎走？
🧓🏼：你想要既可以拎走
😈：你唔會想留住佢？
🧓🏼：你唔要既，我就會拎走
😈：好，咁我拎走
🧓🏼：賣樓之後你打算住邊？
😈：租地方住
🧓🏼：如果你打算留低既不如買樓
😈：我唔夠錢
🧓🏼：上樓盤四五百萬既話，唔夠既我可以比你
😈：好，咁我諗下
🧓🏼：我知你對我好有意見，但你都係我個仔，你當我仇人，我都當你係仔
😈：有好多野唔係錢既問題，比錢重要既野更多
🧓🏼：聽你哥講，你學緊算命，睇過自己條命，所以你怪得我都明
😈：因為咁你先想彌補我？
🧓🏼：你地三兄妹我一視同仁
😈：嘿，咁都叫一視同仁？我唔覺
🧓🏼：我比個忠告你，算命既人，信命之餘，唔好認命
😈：出自你把口點解特別難聽
🧓🏼：你唔明算命既意義，算得再多都無意思
😈：因為我條命剋你地，所以你疏遠我，咁就係你對命既理解？
🧓🏼：你應該自學，學到咩程度？
😈：最表面既野都睇到，十神五行大運八字
🧓🏼：你真係有興趣既，就搵個師傅學，自學好易學壞手勢
😈：我自己有分數
🧓🏼：你地今年生日既野，你哥有同我提過，你自己睇既？
😈：唔係
🧓🏼：邊個話你知？
😈：一個高人
🧓🏼：佢有同你講咩事？
😈：無，佢只係叫我地盡量分開，唔好留係香港
🧓🏼：仲搵唔搵到佢？
😈：佢話有緣就會再見到佢
🧓🏼：如果你見到佢，比我時辰八字佢，然後睇下佢肯唔肯見我
😈：好，你要上黎睇樓，話聲我聽，我可以開門
🧓🏼：好
😈：我想問老豆個八字
🧓🏼：我都無，連佢自己都唔知
😈：明
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
行大運意思 在 十年大運意思2023-在Facebook/IG/Youtube上的焦點新聞和 ... 的推薦與評價
命好不如運好，大運本身并無好壞之分。具體到每個人，不同階段的大運好壞不同，這十年你行某某大運，這步大運是你命理所喜 ... ... <看更多>