［美麗傳承］拿，唔係自導自演，有圖有真相。
1. 話說莎莎出盈警，出咗個post（https://bit.ly/2zfGNWq），入面有提我有朋友係莎莎高層，但好一排冇聯絡（差不多半年）。咁，唔知佢會點諗架嘛，亦唔知大老細點諗嘛。但我當時覺得，朋友應該係睇唔到嗰個post嘅
2. 結果，呀朋友原來睇到個post喎，仲好早就whatsapp我。唔係質問我啦，而係高興的。特別係我提到本年報幾靚，presentation又好，仲畀足十年數（好多公司只係畀五年，當然你要搵好易搵到，但就煩咯，證明莎莎本年報貼心）。
3. 我諗，應該好少人會留意本年報的。本人雖則自己冇美術感（睇我啲圖就知），但就鍾意睇靚嘢（冇矛盾，大肚腩阿叔都鍾意睇C朗）。的確極少人會留意本年報，睇嘅都唔會留意靚唔靚。但埃汾就係極少人，而且我鍾意留意其他人唔留意嘅嘢。
4. 朋友就順手約我食飯（未食）。結果，我就厚面皮地，不情之請，叫朋友不如醒本年報畀我啦，hard copy嘅。咁當然唔係佢食飯親自拎嚟啦（高層嘛，況且女仔之家拎住舊磚頭在街行咩），搵人拎或運或寄過嚟得了。
5. 又所以，極快手地，第二朝我就收到了。
6. 就真係幾好睇的。希望啲業績都快啲變返好睇啲，復工復市，消費返返嚟，應該見底啦掛。
7. 插曲一段（定叫一首？一個？）：朋友問，「英文ok？ Or bilingual？」。咁假設好合理，因為分析員一般係睇英文版嘅。正如其實港交所啲通告我都係睇英文版，係為呢度讀者著想（因為有啲可能唔知啲行業英文用字）先貼中文。年報當然我正常都睇英文版，但，莎莎例外！因為「美麗傳承」就美麗過”Beauty Generation”啦
———————
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
行業英文 在 【服務行業英文範例】... - Wall Street English | Facebook 的推薦與評價
【服務行業英文範例】 服務行業每日每對住嚟自世界各地嘅客戶，都要用到英文同大家溝通！ 今集WSE 老師LJ會教大家服務行業必學英文！ ... <看更多>