【派一萬！點樣攞？】(阿肥姑娘親自講解)
(內文含申請表格下載連結)
政府派錢喇！破天荒！18歲或以上香港永久居民每人一萬蚊！
但請留意！呢一萬蚊並唔會自動存入你户口，亦唔會自動寄支票俾你收，而係需要進行一個登記程序！
識字嘅人可能會覺得好簡單；但對於一啲唔識字、年長體弱、身體或精神有特殊情況嘅人士，就可能需要善心人士(如：家人、相熟親友、社工、區議員或銀行職員)幫幫手喇！
究竟呢一萬蚊可以點樣攞到手？我整理咗一啲資料俾老友記，希望同步喺呢度分享，等大家可以有個概念，兼轉告俾有需要嘅朋友！
《$10,000的申請方法》
★申請日期：2020年6月21日(日)至2020年12月31日(四)
★申請方法：
1) 書面交表
•索取表格地點：銀行、郵局、民政總署、社署、公屋辦事處
•交表時間：
1955年或前出生 (65歲或以上)：6月21日開始收表
1956年至70年出生 (50至64歲)：7月5日開始收表
1971年至2002年出生 (18至49歲)：7月19日開始收表
•交表地點：交表到銀行、郵局 或 郵寄到「郵政信箱182020」
2) 網上登記
於銀行網站登記，輸入個人資料、身份證和戶口號碼
3) 有特殊需要或無精神行為能力人士
親屬以代理人身份往「現金發放計劃秘書處」登記及提交文件以作核實
★領錢方法：
•直接存入個人戶口
•親身領取簽收支票
★收錢日期：
•2020年7月1日前登記：7月8日開始收到錢
•2020年7月1日後登記：網上登記最快7日後收到錢；書面交表最快14日後收到錢
★注意事項：只有以個人名義開立的本地港元儲蓄或往來戶口才可收錢
郵政局職員好細心！知道好多老友記可能需要搵人幫手，噚日第一日派表即時送咗1000份表格嚟中心！今日我亦已解答咗八個查詢，兼幫咗四位親臨中心嘅老友記填寫表格！大家如果想下載申請表格，請按入以下網址：
★政府網頁(有表格可供下載)：
https://www.cashpayout.gov.hk/chi/forms.html
如果識得上網嘅，我建議大家喺網上登記，快啲攞到錢之餘，亦可減輕收表地點擠擁情況、及相關部門職員嘅工作量！
希望以上資訊可以幫到大家！如有需要，歡迎直接分享原文，亦歡迎留言或發訊息俾我，我會盡量回覆大家！
祝大家都能袋袋平安！我就可以幫補交稅！多謝！
補交稅 在 P&C 澳洲專業退稅- 補稅和退稅本質上是一樣的 為什麼我需要 ... 的推薦與評價
這一點顯而易見，舉個例子說，背包客年收入低於$37,000的時候稅率是15%，如果您的雇主發工資時只為您扣掉了10% ，那年終報稅時您必然要補交一部分應繳的稅 ... ... <看更多>