是咁的，我決定將呢個page改名為－「傭仔貼地日記 Maid’s Diary」。
Follow得我耐嘅朋友應該都知，「空中飛傭」呢個名由一開始跟到我而家，佢記錄咗我整個做空少生涯嘅點點滴滴。過去六年嚟我都係用呢個名嚟創作航空故事，改名對我嚟講係一個大決定。呢個page有四萬幾個人Like，話少唔少，話多又真係唔多，無論如何，無可否認一般人認識我就係因為「空中飛傭」呢個名。
雖然係有少少唔捨得，特別係我用「空中飛傭」呢個名曾經出過幾本繪本以及無數嘅航空旅遊相關產品。但無奈地，我已經不再飛，再飛都係遙遙無期，繼續叫空中飛傭好似好怪，好似磨爛蓆咁，所以就萌生咗改名呢個念頭。其實怪唔怪都係其次，最重要嘅係，我打從心底裡好想有個新開始，唔再被過去嘅框框限制。我想重新出發，用「傭仔」去開創一條新嘅全職創作路。以後，我可以繼續畫之前做空少發生過嘅嘢，可以畫生活嘅嘢；第日有得去返旅行，就畫旅行發生嘅嘢。甚至唔止畫畫，我可以寫字、可以拍片……
總之，我就係我。我唔係一個職業，一套制服，從此唔再受一個行業限死。
之所以改做「傭仔貼地日記 Maid’s Dairy」呢個名，最大原因係因為其實我已經出過三本「傭仔膠流日記」系列嘅繪本。呢幾本繪本喺香港叫做有正式出版過，並喺各大書局都有上架，亦曾經拎過一啲公眾獎項，咁「傭仔乜乜日記」都叫有少少official嘅意味。另外，既然唔再喺維記澳洲航空飛，落返地，咁就叫貼地啦，以後做人踏踏實實，夠哂貼地呀嘛！
小傭仔我好多謝過去六年嚟你哋對我嘅長久支持，好多謝您哋冇因為我冇咗份為我提供主要創作靈感嘅正職而放棄繼續睇我，好多謝你哋曾經留言鼓勵我話無論我將來畫咩都支持我。
最後，因為始終呢個專頁係由航空漫畫起家，我相信總會有人對於「改名」呢個轉變會唔歡喜，覺得我未必能夠再為您提供合適嘅內容，如果您哋選擇unfollow我，我亦會理解。日後我會以自己（傭仔）嘅生活為創作重心，唔會再圍繞航空，亦唔會再以「空中飛傭」出版任何航空主題嘅書籍或舉辦活動。
但係，如果您支持我改名呢個決定，仍然會繼續支持我，衷心希望您可以將呢個post share出去，令更加多人可以認識我。
我叫傭仔，而家嘅我係一個默默耕耘嘅全職網絡創作人，請多多指教。
預告：改名要由Facebook approve，成功改名後十一月有從來冇做過嘅大事發生，敬請密切留意！
請多多指教 意味 在 一口氣和大家說，除了「AUR」外，隔離就是「白布烏冬」的二 ... 的推薦與評價
而這個晚市服務，將於下星期正式推出，請多多指教 以上2店，平排開啟，意味着飲食業將會進入一個新時代，很想很想的，把這種日本的生活文化，在香港真正呈現，來履行 ... ... <看更多>