泰國公幹泡湯之舊文舊相（二）
籃上的雞蛋
噚日去唔成泰國公幹，同事驚我心情低落，又怕我產生幻覺，專登約埋今晚一齊食番餐泰國菜，算係小小嘅心靈補償，欺騙自己去咗泰國。同事對我真係好到加零一，我好感激。
百無聊賴，睇番呢篇舊文，對照幾日前嗰篇爆到七彩嘅《四個口的高官》，百感交集。過去幾個月嚟，甚至十八年嚟，香港唔單止無進步，直頭退咗一大步，唔唏噓有鬼。睇嚟今晚要飲多幾杯泰啤，麻醉吓自己。
************
三月六日舊文舊相
大鄉里出城遊記之二
搭地鐵由朝搭到黑，居然見唔到半粒中文字，地圖、路標、購票機、詢問處，清一色象形文字＋英文，遊客估估下，好似識睇咁款，包括我哋一行九男女。
一個亞洲小國，無標榜自己係國際大都會，街頭大把識聽識講英文嘅路人甲，舊年招待咗二三千萬遊客，來自中國嘅超過450萬，無刻意逢迎，無繁簡體中文路牌，無普通話廣播，齋用本國文字加國際語言，識得尊重自己文化，叻叻叻。
香港自誇係紐倫港（「講」就真），唔該學下啦，一味遷就遊客，慢慢就面目全非，四不像，變到唔似原本嘅香港。𠵱家人哋除咗嚟買嘢有信心有錢賺之外，貪香港有寶咩，第時直接去巴黎米蘭紐約東京，仲使鬼嚟香港。一句講哂，香港無特色，遲早玩完。
知恥近乎勇，識寫個「醜」字就有得救，問題係港府、商家佬知唔知、識唔識啫。我懷疑。
************
後記：
內地旅客佔舊年訪港遊客77.7%，今年頭六個月77.9%，你無睇錯，係升咗0.2%，唔係跌咗，已經高到危險嘅水平，稍為有啲屎常識嘅人，都會擔心畀人揸頸就命，風水輪流轉，人哋終於嚟厭咗，或者外邊世界嘅吸引力又大咗，提早諗計分散風險，點會越踩越深，去到不能自拔嘅地步。
從來未聽過有人做生意，故意將雞蛋放哂喺一個籃上，仲要有咁多，放咁多，就算蠢，都唔會蠢得咁交關啩，偏偏就係香港𠵱家嘅情況。
象形文字英文 在 英文來自什麼象形文字呢? - 順意翻譯Puzzlefree Translation 的推薦與評價
我們知道中文是種象形文字，其實英文也來自象形，一起來看圖長知識吧! https://puzzlefreetranslation.blogspot.com/2018/05/blog-post_27.html. ... <看更多>