［婊揚傑出藝術推介］我自問係U字頭的死忠粉絲，因為佢真係可以喺每一個出奇不意的地方俾到我無限歡樂，繼民建聯成功爭取北極有企鵝後，U字頭雜誌終於為梵高爭取到《吶喊》做佢嘅名作。(梵高表示：不如一槍打死我... 人妻先生答：其實你咪係用手槍自殺架囉...）
被譽為西方藝術界最重要的作品之一的《吶喊》並唔係梵高的作品，而係愛德華·蒙克的傑作！！！啊....🤦🏼♂️🤦🏼♂️🤦🏼♂️(嚴重崩潰，整理情緒中）
無錯，如果平時冇睇開畫，望落去梵高畫嘅《星空》係「一pat野」，《吶喊》望落都「係咁上下」。我明白可能係有點難分辨，但梵高係印象派大師，而蒙克就係表現主義大師，兩者的技法和流派都差很遠。如果要用小學生都能懂的方法去分辨，就是表現主義的作品的扭曲（一pat野）大都是源於不安和恐懼，所以表現主義的畫大都充滿澎湃而狂暴的情感。而印象派是以光線捕捉見長，整體都充滿著和諧感，所以大部份作品都有種溫柔而朦朧的感覺。這樣很易懂了吧？
我真心唔介意一個媒體可以帶大家飲飲食食，甚至帶領大家精神出走、妙筆生花跟大家風花雪月，當隻只懂飲飲食食快樂的豬。呢個媒體，我也不旨望你筆走龍蛇，但連最基本的藝術常識都欠奉以至張冠李戴，結果就係成班讀者越讀越笨。筆又唔妙，咪成日俾人炒花生，精神出走都變成走出精神病院，去旅行跟你講之後齊齊中伏，痛苦的人做不來、快樂的豬也做不成，結果成了一班痛苦的豬。
仲有，唔爭在婊埋你杯咖啡，我當你唔睇名畫，有睇過《食神》啦掛？「刀功細膩、造型突出」嘅金鏤佛衣，舊豆腐雕左成朝，早就臭晒啦！俾你咁樣玩完杯咖啡都凍左一半，點飲呀？好地地一杯咖啡搞到五顏六色，你飲完返香港屙青S睇醫生，到時盞上診所低能奇觀增加寶豬姑娘的工作量。我當你唔飲，勁折墮俾兩舊水買杯咖啡影相打卡，當係向藝術大師致敬朝聖。致咩敬、朝咩聖姐？你連人地邊個畫家名都噏錯，你扮咩野識人地幅畫姐？你有冇見過人去麥加朝聖但叫錯自己真主做玉皇大帝？這種葉公好龍，有內涵就不屑幫襯啦，衰極香港都有梵高主題餐廳，做咩要走到咁遠？
呢啲嘢呃下啲初出茅廁(?!)的𡃁妹就得，我去咖啡店只為兩樣野：一杯好喝的咖啡和一個安靜的空間。要是你欠奉其一，抱歉，我還不如去星巴克買杯咖啡味的糖水算了，起碼沒期望也沒失望。
#lifestyle版
#咩life咩style
#文藝青年
#梵高唔會嬲我拿他開玩笑吧
#珍惜生命不要學他飲彈自戕
#一定係愛恩斯坦發明燈泡啦
#梵高的名畫吶喊
#真係笑到喊
#遠離U字頭是智慧的開端
#越睇越蠢
#我對飲食的追求好老派
#裝飾必須與味道有關
#貌合神離就落了下乘
#這樣的要求算不算太高
#分享就是力量
#以後所有劣質推廣都用呢個tag
