【手套測試】 Elite Sport TC
其實一直都有朋友問版主幾時有得訂Elite Sport，你地都知道呢度嘅風格都會試清試楚先同大家介紹，更容易令大家知道手套嘅特性岩唔岩你用。因為希望喺度買嘅手套都係岩大家用。
今個球季嘅Elite Sport 嘅手套同以往一樣，大部分款式都會有保留同更轉款。一般都係兩年轉一次款。而今次介紹嘅Elite TC都算係「新」，點解咁講？上年喺德國推出嘅時候問過官方，佢話因為為一位德國守門員教練推出，名正言順地變左「德國限定」，到今季正式納入常規嘅手套系列。而版主由6月開始踢番比賽之後，足足試左三個月。終於寫得實測報告。夠晒誠意掛😂而呢對TC應該係屬於引入香港後第四對內縫剪裁(Negative Cut)嘅手套。前幾對分別係每年Fenix，前一年推出嘅BP，以及上季嘅Infinite。雖然都係Negative Cut，但每年版本都有一定程度嘅分別。
更貼手嘅Negative Cut
其實上述四對除左Fenix係冇用過，其它三對都每年都有開黎試用。最明顯改變係剪裁嘅厚度比上幾款更扁平，對於手套貼手感覺會有更深層嘅享受。特別係指位嘅背位同面位壓得平左。呢個好處不但更貼手，而且令指位放鬆嘅狀態呈然一個弧形，令手掌放鬆時手掌呈”Pre-Catch”嘅狀態，提升接球嘅準繩度。簡單黎講只要放鬆手，手就會幫你準備好，而接波時提起雙手對位，鎖緊啲關節就會幫你接實。而乳膠嘅剪裁雖然係內縫剪裁。但你留意乳膠位喺呈少少弧形，而唔係一般Negative cut嘅扁平形狀。可以增加皮球與乳膠嘅接觸面積。但同時保留香港朋友最鐘意貼手緊密嘅手感。而另一個重點係將乳膠延長至掌邊，增加來球唔同角度入手嘅摩擦度，亦提醒下你當你撲波嘅時侯用掌邊落地磨，不論接唔接到，撲唔撲到，都係用掌邊落地。
水藍色手背
當年一睇到相，就覺得呢對水藍色係特別順眼，一post左出黎好多朋友流晒口水，特別呢隻色係好容易襯衫。而手背採用3mm 厚嘅耐磨物料，呢款物料對比傳統乳膠唔同嘅地方係抗水性更強，而且更加輕身。即使喺落雨嘅天氣都減低水份吸入，大大減輕比賽時嘅負擔。而且呢款物料更可以塑造唔同形狀，而呢個擊球系統名為3D Shock Zone，加強擊球時嘅力量，令摩擦及受力點更平均。另一個想同大家介紹嘅地方係手背物料之間，會有一個唔大起眼嘅連接位，令手套喺透氣排熱上令你不知不覺將呢啲不適帶走。
頂級德國Contact 乳膠
作為頂級嘅款式，同其它Elite Sport 一樣，都會配上頂級嘅4mm Contact M乳膠，經過近幾年嘅質量保持最理想嘅水平，其特性係乳膠嘅耐磨度非常之高，不少用過呢款乳膠嘅朋友都會大讚耐磨，甚至同版主講用左好耐都保持到。而呢款乳膠亦相對適合晴朗嘅天氣，黏度係發揮最好。而且喺物料配合嘅緩衝度，令你清晰感受到來球嘅力量，但唔會比你覺得力量過大。喺接波嘅吸震能力同手感平衡得非常理想，所以個人認為較適合對手感靈敏高嘅朋友，一帶上手接幾下就知道係幾舒服。
可拆式指骨
喺官方嘅目錄當中，呢款手套係不設指骨。但今次呢一個版本喺設有可拆式4指骨，去因應唔同朋友要求去選用，不過本身呢對手套係非常貼手，所以如果使用指骨及手指較粗嘅朋友要選大一碼，如果用開Size 7.5嘅朋友都建議買番8號。
總結
呢對手套都試足差唔多三個月時間，首先最吸引嘅係呢個顏色，另外令我感到進步就係手感與緩衝嘅平衡度調整得非常準確。喺接波嘅時侯會更有信心，而且保留一般Elite Sport 頂級款耐磨而黏度極佳嘅乳膠。如果真係搵地方挑剔，唯一可以講嘅係水戰冇AquaH咁強，但足以應付比賽，所以第一對介紹左呢對先。
Elite TC
- 4mm 德國Contact M 頂級乳膠+4mm 緩衝層
- 手背5mm GS Latex+3mm 耐磨物料
- 可拆式4指骨
- AVM 透氣纖維
- 拇指額外乳膠包圍
- 掌邊延長乳膠
- 內縫 Negative 剪裁
手套評分💯
乳膠(乾地): 9/10
乳膠 (水戰): 7.5/10
緩衝及手感: 8/10
手感特性: 靈敏
舒適度: 9/10
Size: 7-11
Price: 待定
⁉️其它手套實測不日送上
#手套實測 #EliteSportHK #EliteTC #貼手舒適 #可拆式指骨 #實而不華 #GKGloves #Soccer
------------------
【守門員訓練班現正招生】
想學打龍門，定係想改善你嘅技術，都歡迎你參加
https://bit.ly/2ZiCjtl
【泰國龍門特訓之旅】
https://bit.ly/31TfSsv
------------------
睇盡全城最新足球消息及足球用品優惠
→ Soccer Fun HK IG：www.instagram.com/soccerfunhk/
→ Soccer Fun HK FB：Soccer Fun Hong Kong
【記得將 Soccer Fun Hong Kong 專頁設定為 "搶先看/See First】

