【#母親節快樂 約婆婆去迪士尼】
#婆婆不出鏡 #重點在下午茶
穿上婆婆送的公主裙、拿著親手摺的花，呢個小朋友去和婆婆約會去，目標係大街餐廳下午茶♡ $3xx 2人份量下午茶，真係算抵，仲要響迪士尼入面食，就覺得性價比很高♡。之前摸了幾次門釘嘅我地，終於食到呢套下午茶，十分開心啊！
下午茶有鹹甜點，也有水果撻，鹹點方面，最驚喜係有刈包，饀料帶點泰式辛辣，幾惹味，當然仲有菜批同炸薯蓉條等。小朋友最喜歡一定係米奇樣嘅一口三文治啦，食物質素都唔錯咖♡ 甜點方面就有蛋糕水果撻等，全部都好可愛，又唔會太甜，都唔錯啊！唯一美中不足係2人餐但食物不是雙份，如果兩個人食，每樣就要分食了，不過一家人食，開心就好♡ 重點，要坐窗位啊！呢度可以睇到下午花車巡遊㗎，坐住喺度嘆公主下午茶同公主say hi ！
#攻略
食下午茶千萬不要下午先到，因為大街餐廳早上開門就開始登記，已經可以預約下午嘅檯，如果你下午先到，幾乎不可能有位。是日我地10點半入園，慢慢行去登記，前面已經排左11張檯啦。同佢地講book tea set，留低電話，大概3點就會開始「嗌飛」，3點前最好返大街行下街，餐廳會send SMS 比你確認檯，收到訊息嘅15分鐘之內就要返餐廳攞檯了! ♡想食Tea嘅朋友加油啦♡
#mrs1amology #一點小哲學 #ftbbu
#happyhappy💛💟 #她約我去迪士尼 #迪士尼奇妙世界 #下午茶 #2人前 #全職bb聯盟 #親子blogger #mamablogger #foodie #cookingmama
