【2020 版主五強】
以下五套戲，係我精挑細選諗咗成年先得出來嘅個人年度五強... 其實以往幾年都好似無特別出年度至愛文章，因為覺得好煩，係讀者好煩，係都要問你點解無呢套、無果套 或者係 『呢套咁爛你都鍾意？』，招架唔嚟滿足唔到咁多人。今年年尾竟然無咗聖誕檔，得閒咗啲又無文可寫，不如試一次玩。睇得少戲，一玩就玩大少少，淨係揀五套，限制自己唔好大包圍玩大愛，亦唔再怕你屌：
.
《無定向喪心老友記》
《對不起，錯過你》
《李察朱維爾：驚世疑案》
《迷途花生醬》
《八佰》
.
《無定向喪心老友記》
我諗，應該最後都係好少好少人有入場睇。但呢套我當日真係大大力推，一間大屋幾個老嘢，奇招擊退地產商。唔係同你玩胡鬧，過程重度心理角力，女主角演活過氣影后的憔悴，兩位身邊老拍檔愛莫能助兼逼在眉睫的無奈，多個唔關係的元素竟然可以重整為一個反咬新世代的精彩鬥智鬥力故事，勁！
.
《對不起，錯過你》
非常悲劇... 收尾餘韻不斷。出身底層似乎永不可能看見陽光，悲並不是絕症、犯罪、韓式喊苦喊忽，而是悲在一個各成員都正常努力中的家庭就是脫離不了痛苦。想出頭決心買車自僱送速遞，犧牲嘅係家庭、係自己嘅健康... 無人做錯，但無人有好結果。
.
《李察朱維爾：驚世疑案》
好人，可以俾人當賊辦。一個人戇直，通常只會被當係戇居多過正直。深信自己，堅持到底，戇到盡頭感動到冰山融化。名導奇連伊士活，配最佳男配角Sam Rockwell，加多個名不經傳肥仔男主角，竟然喺香港都無運行。套戲借一單官司，講出人與人關係、工作態度，最基礎最普通嘅生活態度，偏偏卻是現代人常忘記的一些事。
.
《迷途花生醬》
又係純真戇男主導，因為演員是一名唐氏綜合症患者，演戲毫不怯場非常利害。充滿愛與夢想的一部作品，亦估唔到大家都以為黐咗線嘅沙拉保夫可以跟男主角咁夾做得咁好。非一般的公路電影，沿著河流向目標進發，有點離地但又愛上這種處處散發着暖意的夢幻。
.
《八佰》
肯定最大爭議，但平衡過今年少有的幾部大片，這部確實令我最熱血沸騰難以平復。技術上就是超班，每場戰鬥各有特色，無重複感 無令人麻木悶場。人物都不少，但每人有戲可演 亦演得好，歸功劇本經過認真編寫無純被畫面蓋過。裡面散發的眾志成城氣息，由隔岸觀火到萬人齊撐做到幾多得幾多，以少戰多待國際施壓救援，力保旗幟所象徵的不服輸，我諗起一啲嘢...
.
延伸閱讀： #2020終極大檢閱
http://bit.ly/3aPt3T8
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤 instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
迷途花生醬 在 《迷途花生醬》電影預告(The Peanut Butter Falcon) - YouTube 的推薦與評價
The Peanut Butter Falcon · suzume edit. || · 弟弟代替哥哥相亲，误把女孩认作相亲对象，并从开始的讨厌到后来的迷恋却不知哥哥也对女孩产生爱恋，精彩 ... ... <看更多>