里奧叔叔的台灣創業路《3》
投資早餐店既計劃經考慮清楚後放棄左，本來仲諗住台灣人咁鐘意外食，將早餐店加入港式元素一定大有作為，而重點係里奧叔叔非常睇好台灣既加盟市場，曾幾何時在香港任職Franchise Manager既里奧，睇到台灣只要開1-2間分店就可以將其品牌發展加盟，系台灣唔少大企業每年都推出飲食新品牌於加盟展招商，市場潛力非常之大。
有朋友問，如果自己落手落腳自己做小餐廳又點呢？
里奧叔叔認為，台灣開小型餐廳，只要知道如何控制好人力成本，選擇好營運既地點，唔好貪租平而前鋪後居，真係要以區域人口數去考慮營運，亦唔好因為租平而選擇大大間店面經營，一步一步用心營運唔怕辛苦都一定會有唔錯既成績，不過一定要控制好投資規模，唔好用香港人角度去比較。之前有幾編po文都有介紹過小餐廳，係呢度就唔再詳細講了，有機會再分享。
選擇生意最緊要適合自己，里奧叔叔再戰零售市場。
睇嚟里奧叔叔與飲食業無緣，移民台灣前里奧系香港做e commerce 出口零售業務，咁台灣零售內銷既情況又係點呢？除左網購之外，台灣人去邊度行街買野呢？里奧叔叔又再一次去做市場調查，日日送完小朋友返學就帶老婆行街，行到極鐘意shopping 既老婆大人都嗌曬救命，越行就越發現台灣零售同香港都有好大差別。
台灣人好鐘意去百貨公司，但百貨公司只有週未先有人潮，除左百貨公司就係夜市商圈，台灣既夜市出曬名，每一個城市都有唔錯既夜市，而好多零售商店亦多數會圍住個夜市，簡單講除左sogo 三越之外，有街行既地方附近一定有夜市。
台北既西門町、師大夜市、東區商圈，台中既逢甲商圈、一中街，高雄既瑞豐商圈、新堀江，相信以上既shopping點大家都唔會陌生，里奧叔叔都留下不少腳毛，不停行不停問，呢種旺區人潮當然好，但租金都貴到嚇死人，咁貴既租金成本但人山人海又系咪真系做到生意呢？
就算你既產品一定可以迎合市場，競爭迎非常激烈，熱銷產品一樣成條街都有賣…………待續
想聽里奧分享多D有關我既台灣創業路同生活
🇹🇼請大家分享出去啦🇹🇼
請分享 請分享 請分享 請分享
#歡迎留言
#里奧叔叔的台灣創業路
#投資移民
#移民新政策
#歡迎分享到相關群組
逢甲附近百貨公司 在 逢甲GoGo住宿- 廣三SOGO百貨位於美村路與中港路交叉口 的推薦與評價
廣三SOGO百貨位於美村路與中港路交叉口，鄰近國立自然科學博物館、金典酒店等，是台中的大型百貨公司之一。 台中百貨分享- 廣三SOGO百貨逢甲GoGo #逢甲日租推薦#台中 ... ... <看更多>