//上 陸 許 可！ 沒 有 巨 人 的 軍 艦 島
是次停留台灣看展一日後就過去九州了～而這次的重點行程就是軍艦島啦～ 軍艦島（gunkanjima island）原名端島（hashima island），因為島上建築剪影好像軍艦而得名，位置在長崎港四十分鐘船程外，而由福岡搭JR到長崎需時兩小時左右☝🏼️
軍艦島本來係煤礦，全盛時期人口有5000人，有住宿設施、醫院、酒吧、學校，甚至係困住飲得太醉既工人既拘留室🌝但自70年代煤能源式微之後，呢到就變左無人島了。不過因為近年電影《進擊的巨人》喺呢道取景而出左名，仲喺2015年登錄埋世界遺產，自此聲名大噪～遊客同廢墟攝影愛好者都對島上既頹垣敗瓦趨之若鶩（中槍），當大家都以為好難登陸既時候，原來！！！有錢有好天氣就得架啦😯
由於今次遊行由我plan，做research就見到有local tour可以報名，網站有英文version，只係需要揀日子、揀上午定下午船、填乘客資料、之後信用咭比錢、收埋個予約確認e-mail⋯⋯恭喜你！你已經半隻腳叉左入軍艦島鳥。
local tour叫做gunkanjima concierge～
官網：http://www.gunkanjima-concierge.com
gunkanjima concierge 一日有兩團（10：00 同 13：00）由於我地住博多要搭兩個鐘車，所以揀左晏就船，12：50辦事處開始登記同集合，13：15就可以上船。agent對招待外國旅客參加者非常有經驗，guide book有不同語言，亦有英語audio guide，而唔識日文既柒頭（姐係我地）頸帶係黃色，有咩唔對路都方便職員幫我地～
船程中會經過長崎港，沿路導遊都會講解附近的地理知識同歷史，想影相又唔怕吹甩個頭就坐upper deck啦！大概三十分鐘就會見到軍艦島了～呢個時候，船會慢慢繞島一週比大家影相，仲會調頭等坐左右邊既乘客都影到。大概兩點七八我地就上陸了。
參加既時候，團友要簽一份條文承諾唔會偷走，唔會進入預設路徑以外既地方，因為島上既建築日久失修，已經被侵蝕到爛溶溶，好多石屎部分都屌屌fing，隨時會冧！我覺得都好符合日本安全至上（又稱怕出事）既處事風格，於是，所有人都只可以沿住條220米長既參觀路徑行。
你無睇錯呀，長220米呀，屌。
220米，標都唔撚洗跳呀。
你以為有得入去探險廢攝影chok相打war game摸下啲鋼筋？諗多左喇🌚🌚🌚全部建築都係可遠觀而不可褻玩焉，想影close up？帶埋支zoom鏡吧啦。想扮艾倫mikasa ？FF下好喇😂同埋個tour 上陸時間得50分鐘，行得慢啲都比人屌。。。嗚哇點解喺日本都遇上光速團架😫
好啦，雖然講到好西，但其實係同我expectation唔同姐，個tour比較注重軍艦島的歷史同文化價值而唔係膚淺的景觀外貌（又中槍），可以近距離睇下島上既面貌其實都好震撼，唔知點解可以爛得咁有型咁靚；島既另一面就比大自然takeover番，植物叢生在石屎森林之間，成件事好宮崎駿好童話。
三點幾上番船，有猜包剪揼環節，贏左有軍艦島紀念品～四點上番岸之後可以喺辦事處買紀念品，仲有小小資料室可以參觀。唔講咁多啦，自已睇相Noel Jones Photoes Photoes Photoes Photo
小貼屎
1．辦事處離長崎駅二十分鐘左右，記得預時間！出站右轉一路行，行過水邊之森公園就差唔多到架啦
2．想影相記得坐上層同側邊，船上有抓毛風褸提供，不過真係好大風啊記得著夠衫
3．島上唔比亂拋垃圾，記得帶膠袋袋好垃圾～
4．本來plan去完軍艦島再去原爆資料館，點知我睇漏左資料館收17：00😭如果想將兩樣行程擺同一日就要早啲到長崎或者搭朝早船啦。
5．費用分門票同船票
船票：
(平日)
成人：¥3600
中學生：￥2900
小學生：￥1700
小學生以下：￥800
(星期六日、假期、春假暑假寒假)
成人：¥3900
中學生：￥3100
小學生：￥1900
小學生以下：￥1000
6．島上禁止使用雨傘！遮太陽都唔得，如遇上惡劣天氣會取消出航。
7．除左呢間之外仲有不同operator，大家可以research下先～
如果喺熊本/豪斯登堡過去有團可以跟添。
8．Gunkanjima concierge有去三次第四次免費的活動，不過除非佢陸逐開放其他區域或建築物，如果唔係我都唔會去多次了，不過未去過既，都值得去下既！
進擊的巨人艾倫英文 在 化【腐】羞為神騎- 《進擊的巨人》角色名稱意義艾連·葉卡 ... 的推薦與評價
《進擊的巨人》角色名稱意義艾連·葉卡（Eren Jaeger）的Eren 在土語中有聖人的意思，Jaeger 在德語中則有獵人的意思，這點也對應了OP 歌詞的第一句。而女主角米卡莎． ... <看更多>