《好熱呀》
生產高峰期生仔既媽媽真係鐵人
冬天凍冰冰，係暖粒粒既床鋪搞左個小生命出黎👶🏻本來係好開心既
但中間要經歷一個可以熱溶所有人既夏天🌞🌞🌞🌞🌞🌞🌞🌞🌞🌞🌞🌞
真係能人所不能呀！
冷氣長開呢d就一定架喇
但身邊總係會有一班好關心大肚婆既朋友/家人出現
「有左就唔好飲凍水喇！bb出世氣管會唔好🍵🍵🍵」
🙄🙄唔通我飲凍野d胎水會結冰呀？
「有左著多件衫唔好冷親呀👘👘」
🙄🙄🙄你著背心雞翼袖仲想除衫既時候仲叫我著多件？
「有左食多d野呀！一個人食兩個人補呀」
🙄🙄懷孕前中後期需要既卡路里都係有少少唔同，但係一味食咁多因住妊娠糖尿病呀！！
大家既出發點都係關心
但媽媽大肚，身體既血容積會止升，基礎體溫都會升高！加埋個大子宮不斷有大量血液供應比bb，其實個人真係好似火爐咁
都仲未計湊住個大仔/大女既媽媽，又唔想剝削同大b既玩樂時間，自已又熱又累！！
媽媽，你地真係好偉大呀😍😍😍😍
執媽提供個好既消暑娛樂比你地🏊🏻♀️🏊🏻♀️🏊🏻♀️
過左懷孕初期，得閒去下室內游泳池，做適量運動保持身體健康，係水入面運動仲可以減低腰背負擔，減少腰背痛！
當然唔好簡多人既池，費事比人踢到，
亦要留意自己既limit, 同時唔好令自己太辛苦
最好簡d乾淨既池！留意下大清洗時間之後去就最好喇！🏊🏻♀️🏊🏻♀️🏊🏻♀️
坊間仲有冷氣房夫婦瑜珈班！對舒緩腰背痛，下肢抽筋都有幫助架！🧘🏻♀️🧘🏻♂️
各位有咩消暑良方推薦下比一班陀住火爐既媽媽呀？留言分享下呀💭💭
#大火爐
#夏天陀仔
#能人所不能
#都未計夏天坐月果班媽媽
#偉大
