【Kongner投稿天地】
野獸前輩（奧雲）：民生議題來了
獨裁大國—地獄鬼國曾訂下一個目標，就係要係2020年嘅時候實現全面小康社會。為咗達到呢個偉大嘅目標，鬼國除咗成功利用最新型冠狀病毒—武漢肺炎消除低端人口之外，更加成功讓「中國病」武漢肺炎「感染全世界」，令全世界都可以參加呢個「中華民族偉大復康」運動。而香港亦都憑住比澳門更加畏首畏尾嘅廢物政府而理所當然咁無辦法獨善其身，使得抗疫問題一下子取代了持續多個月嘅民主抗爭運動，變成香港最首要嘅社會議題。
過去七個多月，有部份香港人已經明白到一切社會上出現嘅不公義嘅源頭都係來自政治問題。而呢幾個月，垃圾政府就試圖用民生政策來掩飾自己政治上嘅局限所引致嘅無能，帶大家遊花園拖時間。政府一方面指責市民過分政治化而影響民生，另一方面大力打壓言論自由、學術自由及人身自由，再不斷同市民講一切都係為咗搞好民生。然後唔好忘記，藍屍們係對呢套論述相當受落的。
時至今日，先不論政府有無成功「止暴制亂」到，大「疫」當前，不論政見，係人都以自身性命安危放最首位，為求口罩無所不用其極，直接導致最近搶口罩嘅呢個亂象出現。好啦，咁呢次終於算係果班濕__高官開口埋口最中意講但唔識做嘅民生問題啦掛。講咗咁多個月努力著手民生問題，本人都諗住終於有機會比呢個政府一洗污名，好好表現一下，結果呢個不堪入目嘅政府最後搞成點大家就有目共睹啦，果真繼續保持其廢柴一般嘅存在，絕對無令任何人失望。
從最近呢幾日嘅發展可以睇得到，最受打擊嘅一群人或者都唔係我哋，因為經過呢幾年，明白人都知道自己一開始就唔會對呢個無能嘅垃圾政府有任何期望。而最受打擊或者係今日走出來鬧政府鬧得最甘嘅，反而可能係果班好中意搵食，但又買唔到口罩開工用嘅撐警撐政府藍絲。好多藍絲嘅人生宗旨就係「自己顧自己，理__得你死」，所以任何影響到佢日常生活嘅人或事都會被佢地敵視同出氣。然而，面對住無法識認嘅病毒，同到咗一個人人自危嘅環境，佢地呢個時候就只能將負面情緒發洩到政府上。但如果佢地真係相信公共衛生、民生政策、社區資源分配各方面都真係完全同政治無關聯的話，試問佢地又點解會向政府求助呢？所以答案就只有一個：其實佢地都明白呢個係一個政治問題。
本人認為，民生問題根本就係政治問題嘅延伸，只係好多人都唔想觸及問題嘅核心。而佢地唔想深究嘅原因有好多，不能盡錄，而且都唔緊要了。本人只係想問幾個問題：呢大半年來支持政府止暴制亂嘅藍絲們，你地今日有口罩戴未？話人「五大訴求」係荒謬嘅藍絲們，你地嘅一大訴求「我要買口罩」，政府回應咗未？經常主張話犯法就係犯法嘅藍絲們，政府依法唔干預市場，你地啲口罩買貴咗幾多？撐警嘅藍絲們，警察有無派口罩你用呀？
關於武漢肺炎所帶來嘅社會亂象，Happy Kongner於今個星期六晚嘅深宵角落頭會同大家一齊討論，無街去嘅各位得閒就記得去聽啦！やりますねぇ！
--------------------------------------------------------------------
HappyKongner 招稿喇！！！
我哋嚟緊會喺逢星期一、五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！
納稿標準：合乎邏輯，文句通順，言之成理即可，不過編輯部同事比較嚴謹，大家自己小心。
野獸前輩 在 [閒聊] 野獸先輩上中國央視網法制頻道- 看板C_Chat 的推薦與評價