【新碟發佈】許靖韻「小背心」Angela Hui 今日推出EP《Step Forward》。這張EP共收錄了《謝謝對不起》、《我們都錯》、《代罪羔羊》、《別為我好》及《別為我好—（我未夠好版）》五首歌曲。今晚十點仲會上到谷Stage唱Live！！
這張被Angela稱之為「友情專輯」，「全碟歌詞由張楚翹包辦，我之前都有好多歌係佢填詞；《謝謝對不起》係徐浩監製，由我新人已經開始合作，認識咗好多年，好似睇住我大咁樣，所以佢哋兩個對我已經好熟悉，大家好有默契，合作好順利；《別為我好》係好朋友林奕匡作曲，一直都好欣賞佢嘅歌，前年嘅音樂會亦都演唱咗佢嘅作品，今次鼓起勇氣向佢邀歌，促成咗第一次合作，碟入面亦都有一個同佢嘅合唱版。」而《代罪羔羊》則由Angela自己作曲，「今次係一個新嘗試、新方向，雖然唔係坊間接受度高嘅曲風，但自己都好鍾意，嚟緊都會寫多啲唔同曲風嘅歌俾大家。除咗自己作曲，都希望可以幫自己填埋詞，一首歌嘅曲、詞、編、監都係自己個名，係我嘅一個目標。」
至於唱片封套則特別到郊外拍攝，由天光拍到天黑共十小時，Angela穿着又重又長的白色紗裙，笑說有一種像在拍婚紗照的感覺，「着住一條好華麗嘅禮服裙彈住鋼琴，好公主、好童話。」而每次拍攝都會有不少蝦碌事發生的Angela這次亦不例外，「今次喺山上拍攝，冇廁所、亦冇地方換衫，特別係呢條紗裙勁大條，上車換衫已經塞爆咗架車，多謝同事人肉擋住架車俾我換衫。」冇廁所去，如何解決生理需要，Angela說：「所以我冇乜飲過嘢，同埋唯有忍，忍足十個鐘！哈哈哈。」團隊亦特地把最能代表Angela的鋼琴搬到山上，大自然跟鋼琴映襯下有着特別的對比，亦貫徹她鋼琴才女的清新形象。
#許靖韻 #AngelaHui #StepForward #新碟發佈
#香港音樂人 #香港製造 #MadeInHongKong #廣東歌 #香港人撐香港音樂 #撐廣東歌撐谷Live #香港音樂 #StudioLive
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
📍 MEWE：https://mewe.com/p/谷live
🏆 谷撐音樂流行榜：https://bit.ly/3q6yB0l
鋼琴才女 在 全素妍Jeon Su Yeon｜韓國廣告配樂鋼琴才女- YouTube 的推薦與評價
有著韓國鋼琴才女稱號的全素妍，高挑的外表與及腰長髮，具有鋼琴創作與鋼琴演奏的雙重能力，讓她一出道就備受注目，也奠定她在韓國新世紀音樂的才女定位。 ... <看更多>