迎接新敗登時代：拜登外交路線的十個預言
【支持本Page運作，請加入成為Patreon會員】
無論你接唔接受現實都好，敗登上場都已係必然事實，響呢個新敗登年代要安身立命，首先要知道佢嘅外交路線會點走。唔同其他黃標KOL同社會科學棍，唔會作大家想聽嘅故仔，亦唔會偏袒美國民主黨，只切切實實根據我嘅經驗，同大家作出十個預言。
一、 防疫會係拜登首要目標，唔會輕易挑起國際間衝突，中國會繼續爭取時間全力赤化香港；
二、環保係拜登次要目標，問題係環保政策要成功，一定要拉攏中國合作。本身京都協定已係極度縱容中國破壞環境，但習近平更加可以用環保作為籌碼，迫使拜登響貿易戰同人權問題上讓步
如此同時，因為拜登堅決最終取締美國頁岩油，油價將會重新上揚，歐洲將對北溪二號天然氣管道依賴更大，對獨裁者產油國例如委內瑞拉、伊朗、俄羅斯亦係利好消息
三、反俄係拜登第三目標。其實相比起中國直頭係要取代美國嘅領導地位，俄羅斯最多都係響美國國內搞下分化，響中東、東歐同北太平洋地區增強下影響力而已。
其實班小粉紅講得無錯，成個俄羅斯都不過佔廣東一個省嘅GDP，比起成個中國算得乜嘢威脅？同埋普京的確係有佢嘅考慮：北約持續擴張係令到力圖保住俄羅斯完整疆界嘅佢非常恐懼，所以強硬干涉烏克蘭、響東北歐同北亞邊境多番挑釁，其實都係出於自保多過侵略心態。有關重俄輕中嘅戰略問題，我遲下詳細撰文再講。
四、加強歐洲聯繫，重回集體協商路線係第四目標。美國民主黨一直批評特朗普對歐洲太霸道，迫使歐洲同美國愈走愈遠。美國重回歐洲，其實就係比機會歐洲將防衛重擔重新放回美國身上；同時歐洲同俄羅斯、中國之間皆有能源同商貿利益，無咗特朗普嘅鞭策，議而不決幾乎係必然結果。
五、縱容伊朗、施壓北韓係第五目標。隨住恢復伊朗核協議，對其相關制裁將會逐步撤銷；呢種做法必然令以色列及海灣諸國極度不滿。如果美國無視呢種不滿，則以色列同海灣諸國可能會先發制人對伊朗及其代理政權發動進一步武裝挑釁；假若敗登選擇高壓迫使佢地接受伊朗被美國包庇呢個現實，則特朗普辛苦建立嘅中東小北約。
至於北韓方面，敗登一直認為特朗普放生金正恩，所以必然重新對北韓作出嚴厲施壓同制裁──偏偏圍堵北韓又需要中共支持，所以美國又要響其他地方對中共作出讓步，作為圍堵金正恩嘅報酬。
六、削減軍費係第六目標。南海問題我反而覺得敗登同特朗普唔會爭得好遠──特朗普從來無認真考慮過同中共開戰，敗登亦都一樣。武裝示威巡航將會係繼續沿用響南海嘅做題，問題只在於敗登已講到明「國防預算要作更有效率運用」，換言之削減預算、縮小海軍擴軍規模係必然結果，然後基於美國海軍今時今日使用率同備戰率已去到極限，所以預期解放軍將會響南海以至東海愈加強勢。
七、特朗普同龐佩奧響任期最後時間努力設好嘅既定路線，拜登唔係一時三刻可以郁動得倒。但由於佢得到Deep State同官僚架構支持，大概響一年左後之後就會大致掃除障礙，放手執行自己理想中嘅外交路線。
八、對中國關稅必然會逐步收縮，貿易戰會由劍拔弩張慢慢變成象徵性交鋒：當然響科技戰上面，響矽谷鉅頭施壓下，我諗仍然會維持對中國盜竊科技技術嘅強硬。但華為、阿里巴巴、中興將會逐步放生。中美貿易將重新進入蜜月期，美國將更依賴中國商品，響政治上面對抗力量更弱。
九、響人權問題上，敗登會沿用奧巴馬路線，亦即響放寬難民審批資格同制裁官員上面會保持強硬，但對於制裁中國就只會停留響口頭層面。而中國則會用「人質外交」應對。換言之往後好幾年，所謂香港人權問題都只係會圍繞住政治犯問題打轉，《國安法》、警暴問題、民主選舉問題，響中共無實質壓力下只會愈收愈緊，唔駛懷抱任何希望。
十、受惠於敗登嘅包容難民政策，香港政治移民美國人數將會暴增；而美國民主黨甚至會給予當中嘅國際線KOL唔少資助，協助港人成立流亡反對黨，就好似當日北京民運人士響美國嘅情況一樣。
問題只在於，當日中國民運人士響美國經營多年，結果只庸碌無為，專搞內鬥。以如今一堆國際線KOL嘅質素黎講，大家都只會有類似結局。但對敗登黎講，港人流亡政府成唔成事唔係佢關心所在，總之盡咗道德責任之餘，又養住邵嵐之流嘅擦鞋狗，得閒幫美國民主黨搞下大外宣，就已算係任務完成。
然後你就開始明白，點解Ted Cruz當日要就《香港人權選擇法案》投反對票。
https://www.patreon.com/posts/46404896
難民政策香港 在 香港更新遣送政策難民擔憂遭遣返命運－ BBC News 中文 的推薦與評價
我們從一個地方逃跑，因為我們需要庇護……和申請相關的這些起起伏伏都在啃食我們的心智。」 香港 保安局在去年底更新遣送 政策 ，包括 難民 在內的免遣返聲請 ... ... <看更多>