https://www.patreon.com/posts/48925886
光榮渣哥沙牛麵之亂：響講良知之前，搵番你個味覺同腦先
今時今日我對黃色經濟圈經已接近完全失望嘅原因，唔單止係見得太多入面污糟辣撻、欺世盜名搵笨七嘅手段，更重要係好多排撚哂隊嘅龍頭黃店，經已連最基本「煮好一碗麵」嘅能力都無埋
右邊呢幅圖，係光榮冰室串撚七七咁解釋點解響佢度食一丁麵要自己落粉：
首先，佢話自己以前轉丁麵加錢比人投訴，所以搞到而家轉丁麵都唔駛加錢──遇到奧客投訴呻下係無問題，不過而家大把茶記轉丁麵都要加錢喎，我最多只能夠當係一種商業決定，同埋同你兜丁麵要自己落粉無關囉。
跟住就講下點解得認為丁麵要自己落粉係不能饒恕嘅原因：
1. 光榮老闆用「點樣落粉班客都會投訴，不如你自己落番算數」黎做藉口，老實講真係非常無恥，係將食店烹調嘅責任完全推卸。喂依呢個邏輯，無論點煮個麵班客都投於架啦，不如直接比兜滾水叫個客自己浸麵算尻數啦！無論點煮個飯都總有班客投訴架啦，不如剩係比堆生料同米比佢地番屋企煮算尻數啦！
2. 當然部份食店為咗增添顧客體驗，有時啲餐廳係會比D客玩下DIY，但呢樣嘢卻絕對唔適合用響即食麵上面。要知道湯粉要溶，大前提就係啲水要水滾，但茶餐廳拎你碟麵出黎啲水經已涼咗一截，然後再加埋你MEME麼搞完一輪先撕開個湯包，十居其九啲滾水經已唔撚夠熱去溶咗包粉，再加埋自己撈好多時候都撈唔勻──喂我拎錢黎幫襯你，就係想安安樂樂食個正正常常嘅麵，而如果你連呢個責任都擔唔起，唔好講咩黃店，係連做飲食資格都無，執撚七咗佢算啦！
至於左邊幅圖，就係有人走去吹捧大渣哥個$63沙牛麵茶麵。講真$63個麵未必係全港最貴，而就算係全港最貴都好，只要個味道值番個價我都覺得無問題，問題卻係：一睇幅相經已唔撚開胃
首先堆沙爹牛唔知點解係會黑古核突堆埋一堆，雖然話賣相差唔代表味道差，但其實整得靚仔啲，甚至撈一撈佢唔係好難嘅事掛？好我就退一萬步，唔同你計較堆「黑牛」究竟有無問題，但再望一望兜麵，經已立刻宣判死刑：呢堆嘢我地有個專有名詞形容佢，叫屍體發漲麵。
食出前一丁以至食即食麵，唔同人當然可以有唔同偏好，有人鍾意食淋麵，有人鍾意食硬麵──但軟硬都有所謂極限。一個極端就係「生骨麵」，意思係啲麵生到完全未煮透嘅，食落去卜卜聲嘅，如果咁都食得落口，其實你應該將即食麵當媽咪麵咁食，水都唔駛加；至於另一極端就係「屍體發漲麵」，因為煮得太過龍，麵質經已完全被浸到爛哂而發漲，一入口甚至立刻變成醬糊狀物，如果係屋企，應該將兜麵倒落垃圾桶。
但呢兜麵響邊度煮出黎？原來就係大名鼎鼎嘅渣哥，仲要成個餐收你$63，號稱「全港茶記最貴」就煮兜咁嘅垃圾你食！然後不禁令我反思，點解香港咁多出名黃店都咁撚難食？除咗係因為你班深黃傻粉縱容佢地煮屎都照食外，會唔會係呢班傻尻根本連乜嘢叫好味都唔撚知？
成件膠事仲未完。呢條傻尻黃屍可能都知貴，根住就開始催眠自己話：
「唔係想知好唔好食
而係去黃店我真心唔介意貴唔貴
只要佢真係幫到同路人」
邊撚個同你講食個63蚊「全港最貴」嘅沙牛麵餐就可以幫倒同路人？渣哥有同你講$63入面有幾多蚊係幫緊手足咩？對上一次渣哥捐錢救手足係幾時？佢營業額係幾多當中又捐咗幾多？
我覺得呢班深黃傻尻應該要明白，所謂「黃色經濟圈」，一樣係依循市場原則運作，否則一味只靠自己人盲撐，一來響市場角度黎講遲早Sustain唔倒，二來亦對用心做好食物嘅其他黃色小店唔撚公平；
同埋如果因為同聲同氣而幫襯黃店係無所謂，但唔撚該唔好FF自己買個「全港最貴兼極度難食嘅沙牛麵餐」就可以幫倒手足。而亦係因為呢種無可救藥嘅天真，先會令到成個「黃色經濟圈」充斥住各式各樣嘅騙徒，好似籌咗千幾萬自己落一半格仲可以講到成個民主英雄；一眾黃標KOL個個袋緊十幾萬、幾十萬甚至百幾萬課金落袋，叫佢拎番兩三成出黎幫海外手足卻立刻推三推四甚至發惡屌人──
當日勇武派冒起，係因為你班黃屍六四七一遊行完買贖罪券就當自己抗爭咗；點之612後差唔多兩年，只不過將形式變一變，響黃店打撚完卡、課金比班黃標KOL，就可以大大聲話自己好撚鍾意香港，根本完全無進步過。
所以唔撚該口講乜嘢「黃藍是政見、黑白是良知」之前，你班黃屍唔該搵番個腦同味覺，分番清咗乜嘢叫好食乜嘢叫唔好食、乜嘢叫抗爭乜嘢叫聊以自慰先。
食資格 在 Belle fitlife - 請找合資格授權賣家購買市面上均一零售價 ... 的推薦與評價
請找合資格授權賣家購買市面上均一零售價有授權證書有QRCODE可追溯源頭食落肚的不要貪平有門市都不代表是真貨只看證書及QR CODE❤ SGS 是全球檢驗鑑定測試和認證服務的 ... ... <看更多>