#阿活皇牌「大粟的愛」、「一拳加辣」、「欖住嚟啜」、「芝豬三重奏」。
雖然唔係咩嘢大製作，但係我哋呢一行，有作品出街，然後又見到啲街坊嘅反應，喺連登有朋友仔講兩句，其實就係最開心嘅。
兩個月前，大快活嘅客戶同搵我哋幫手設計新一輪《阿活皇牌》嘅餐廳海報，我一時技癢，幫佢哋其中幾款產品改咗啲名，寫埋內文，目的都係想啲街坊見到嘅時候，食得開心又過癮咁話。
期間，我哋又建議客戶，咁開心，不如賀下佢啦，於是，我就寫咗以下呢段文字畀我嘅親愛客戶，layout都無，佢居然半個鐘頭就豪氣地覆返我：「好呀！我同老闆講。」
6月22號至7月5號，嚟緊幾個禮拜，大家記得儲定單，然後去大快活食霸王餐啦！
============================
《阿活皇牌試食》
答謝各街坊對阿活皇牌一直嘅支持，我哋已經將部分阿活皇牌餐單全面升呢，啲料靚咗又重手咗，質素升呢到超標。
為咗進一步表達我哋感謝你嘅誠意，如果你喺其他餐廳，食完同阿活皇牌嘅同款餐單，食完覺得：「車，咪又係咁！下次都係幫襯返阿活。」，又或者心諗：「咦？唔知阿活皇牌有冇咁正斗呢？」
點都好，你攞住第二間餐廳張單嚟，只要有阿活皇牌嘅同款餐單，我哋就會一兌一，請你食多餐。
即係話，你喺第二度食完一個焗豬，你就可以嚟大快活免費食多次，understand？
嗱，各位朋友，我哋都係打開門做生意嘅，所以，每間大快活，每日限派20份，優惠期有限，要免費試食嘅話，唔該你早啲嚟。
如果你食得開心，拜託你話畀街坊知，我哋近排做緊呢個 #阿活皇牌試食，當然，如果你想畀啲鼓勵阿活，開餐前影張靚相放上IG，你就真係得人鍾意啦。
餐廳海報 在 登印藝工房- #桂坊燒臘餐廳#海報#車貼#價目表 - Facebook 的推薦與評價
桂坊燒臘餐廳 · #海報 · #車貼 · #價目表 · No photo description available. 陳有勁, profile picture. 陳有勁. 垃圾. 2 mos Report. Related Pages. ... <看更多>