Search
【Ace Wild - Ep15】奇異的性致
所以說，無性戀並不等同性功能障礙，只是當性致突然降臨的時候那種「無定向」的感覺，真的有點惱人。
Ace為 #Asexual #無性戀者 的簡稱。泛指感受不到他人發出的性吸引力的人。
為使大家更容易了解無性戀者的感受與心聲，PrideLab特意與AcesWild的原作者 @sallyvinter 聯繫並取得授權，發表 #AcesWild 系列漫畫的正體中文版。
請大家多多支持連載！
#pridelab #pridelabhk #DareToBe
#AcesWild授權漢化 #狂野王牌 #來認識無性戀
#無性戀 #acefamily #性傾向 #性小眾 #同志 #香港同志 #香港性小眾
#漫畫 #comic #香港漫畫 #asexualcomic
【LGBT信箱📮】問：聽講跨性別已經喺2018年唔再被當成「精神疾病」，唔知喺乜乜精神病名冊度除咗名，咁啲人以後會唔會無得去公立醫院睇醫生、服用荷爾蒙藥或者做手術㗎？
💡💡💡其實跨性別從來都唔係一種精神病💡💡💡
之所以被誤會，係因為大眾經常將跨性別等同成性別不安（Gender Dysphoria，簡稱GD）或者性別認同障礙（Gender Identity Disorder，簡稱GID）。根據《精神疾病診斷與統計手冊》（簡稱DSM）第四同第五版，經歷GD或者GID嘅朋友，佢哋因為自己嘅性別認同同埋出生時指定嘅性別唔一致而感到相當顯著嘅痛苦，而呢種痛苦甚至會影響日常生活。所以喺香港，跨性別朋友去到公立醫院可以獲得醫療護理，係因為佢地被診斷患有以上嘅「精神疾病」，被列為精神科個案，而唔係因為佢哋係跨性別。
我地可以咁樣理解：雖然經歷GD或者GID嘅人本身係跨性別，但並唔係每一個跨性別朋友都會經歷GD或者GID。出版DSM嘅美國精神醫學學會（簡稱APA）都提過：
"The presence of gender variance is not the pathology but dysphoria is from the distress caused by the body and mind not aligning and/or societal marginalization of gender-variant people. "
性別差異本身並唔係一種病，而係呢班性別差異嘅人因為自己身心不一致，喺社會上被邊緣化，而產生不安，先至係痛苦的根源。
至於你話乜乜精神病名冊上面除名，其實你係講緊由世界衛生組織（簡稱WHO）最新出版的《國際疾病分類標準》（簡稱 ICD-11）。佢地將「性別認同障礙」更名為「性別不一致」（Gender Incongruence），仲將佢由以前「精神與行為疾病」（Mental and Behavioural Disorders）嘅類別，改成屬於「性健康」嘅類別。
除咗世衛本ICD名冊講「性別不一致」，APA都有一本DSM手冊講「性別不安」。前者範圍較廣泛，包括各類型已知嘅疾病，而後者就專係講精神疾病。喺2018年，雖然「性別不一致」唔再被世衛承認為一種精神病，但係大家唔好忘記，佢仍然保留喺疾病名冊上面，需要適當嘅醫療照護。所以唔洗擔心，有需要接受心理評估、用藥或者做手術嘅跨性別朋友仍然可以去醫院。無論係乜野類型嘅疾病，切忌諱疾忌醫！
過去幾十年黎，跨性別呢個群體喺國際醫學領域一直被改名、改分類，由以往比較狹隘嘅二元框架，假設咗進行醫療轉化嘅變性人一定係希望成為異性，逐漸變成今日擁抱性/別差異，睇見非二元（non-binary）嘅存在；理解到出現問題嘅並唔係性別認同本身，係由身心不一致所產生嘅心理不安，希望去病化（depathologize）跨性別群體，將治療重點放喺心理困擾上面。
每個時代都有被誤解的人和事。生於當代，成為小眾，我地可以做嘅事，就係做到自己，自然可以做好自己。希望有需要嘅朋友可以搵到啱自己嘅醫療服務，一步步咁做到自己。
-
撰文：達文
#pridelab #pridelabhk #DareToBe
#nonbinary #queer #transgender #非二元性別 #跨性別 #酷兒
#pride #lgbt #LGBTQ #LGBTPride #lgbtcommunity #hklgbt #性小眾 #香港性小眾
【LGBT信箱📮】 我今年22歲，唔知點解由細到大都好似鍾意大過我廿幾年嘅女人，從來無對男性有鍾意/愛嘅感覺，所以一直都唔太接受自己，又好疑惑自己係咪真係算係同性戀......而最近幾個月，發覺自己鍾意左一個女同事，佢算係我半個supervisor,已經結左婚有仔女，每次同佢講野我都好緊張，但又好開心，因為我好想同佢有多d機會講野，了解佢多d;佢係我番工嘅動力，我每日都好想見到佢;每次佢掂到我，我都好似觸電咁......仲有每次見到佢同女新同事有工作上嘅交流，唔知點解我個心就乸住乸住，好唔開心,但其實我又憑乜野去呷醋同妒忌....唉 仲有3個月我就做夠一年，我掙扎緊應唔應該係到做多一年，因為我真係好唔捨得佢，我好想見多佢一年，但無奈呢份工人工真係好低，屋企人都唔贊成我做多一年;同埋我係咁諗如果嚟緊真係辭職，咁走個日我應唔應該同佢表白，講清楚對佢有咩感覺，我好想佢知，但我又怕會嚇親佢，驚佢討厭我，連朋友都無得做.....我應該點做好？真係好迷惘........
👀👀👀👀👀
唔知大家見唔見到 其實呢封信都提到幾個問題
1️⃣ 接受咗自己未
大家覺得同性戀係點？鍾意女人就算？定要拍到拖先算？
見過只係同男仔拍過拖嘅人會稱自己做雙性戀
又見過同過女仔曖昧情感，同時會堅稱自己係異性戀
有人從來無對男性有鍾意/愛嘅感覺，而覺得自己係女同志
有人從來無對男性有鍾意/愛嘅感覺，但態度會保留未來開放性
標籤係其中一種用嚟認識自己嘅方法
有人40+歲 先開始對同性產生愛慕，重要嘅係你知道自己嘅感受
喺我哋接觸嘅朋友仔裡面，接受自己比唔接受自己嘅人會易快樂啲
2️⃣ 何事我會妒忌我會擔心魔鬼搶走你
可能太多流行文化將霸住一個人當成係「愛」
即使你只係暗戀都可以睇到咁肉緊
試想想你形容嗰啲只係工作上嘅交流
呢種心態若果真係去拍拖都會幾易辛苦自己
3️⃣ 明知份工唔好，想留低見多佢一年
你嘅文字提供關於工作嘅資訊真係好少
除咗人工真係好低，咁有無嘢學、有無升職機會都無講
你文字中講到工作嘅動力就係暗戀對象
都令旁觀者嘅我哋睇唔出份工仲有咩好嘅
4️⃣暗戀實會問嘅，表唔表白好
做唔做一個行動，理性地去諗就係到底呢個行動係為咗乜？
「好想佢知你鍾意佢」呢個事情係咪重要過「佢知咗會嚇親」、「連朋友都無得做」
又其實，你同佢係咪「朋友」呢？
定只係咁橋大家一齊返工，返工個陣會講下笑
無咗「工作」呢一個環，你哋有無共同嘅話題、興趣？
對方已婚及有仔女，咁你嘅表白係希望對方同你發展咩關係？
如果忐忑係咪要表白嘅
諗清楚表白衰咗，自己最唔想要嘅結果係咪接受得到
準備好迎接最壞嘅結局，先至好帶住希望同勇氣去講
///
如果有需要搵人傾下嘅話，可以搵以下嘅機構 :
東華三院同一線 24小時支援性小眾熱線 @prideline22175959
電話: 22175959
Les Corner Les Talk- 情緒支援及平等教育推廣計劃 @les_corner
Whatsapp: 52815201
///
插圖：阿譚 @rawnm94
#pridelab #pridelabhk #LGBTeen #Secret信箱
#LGBTQ #lgbtcommunity #hklgbt #同性戀
#性小眾 #香港性小眾 #同志 #香港同志
#親密關係 #感情 #關係
臨畢業決定豁出去 , Venus當初都無諗過學Waacking會改變自己咁多
Venus形容人生有兩組唔同選擇
曾經佢諗過想活得「正正常常」唔再跳舞 唔再諗
跳出comfort zone , 佢遇到兩位好老師比好多鼓勵佢
喺Waacking裡面得到嘅信心令佢從內到外更接受自己
The way she dances
分段時間軸
00:00 - 《似火探戈》舞蹈
01:00 - Waacking 簡單歷史
02:15 - 用三個詞語形容Waacking
03:00 - 《汽水樽裡的咖啡》舞蹈
04:41 - Venus分享細個到大學未出櫃時候嘅心路歷程
05:56 - 回憶大學最後一年喺DanSo接觸Waacking
07:20 - 感激遇上Waacking老師和呢個圈子朋友
08:20 - 因為性/別面對過社會嘅性/別壓迫
11:54 - 《汽水樽裡的咖啡》舞蹈 Part2
PrideLabVlog帶你睇展覽 - 由平機會主辦嘅【真・相：攝影展】
我哋嘅實現員阿尖同攝影師之一Nelson 都講咗啲感受
唔知大家睇完有咩想分享呢？
感謝平機會邀請，我哋以攝影師身份參與咗今次活動
一次過同幾個同志組織合作 . 影咗7位唔同嘅LGBT+ 朋友
展覽分咗唔同主題 . 除咗有 #LGBT+ #性小眾 #同志 嘅故事
仲有其他弱勢社群：殘疾人士、少數族裔、基層婦女、新移民等等
現時只有4條嘅歧視條例當中係無包括性傾向
見到平機會喺提倡「平等共融」嘅工作當中無忘記被污名嘅性小眾
希望未來有更多公眾教育令更多人明白唔同少數社群嘅情況
社會有更多嘅同理心 . 放低偏見 . 令每一個人都可以更自在生活
我哋嘅作品分別喺「女性之聲」同埋「與污名的長久戰」部份
實體展覽期：
日期: 2021年1月29日 – 2月26日
地點: 南豐紗廠1樓中庭
開放時間: 上午10時 至 下午10時
你都可以去睇網上展覽：
https://www.eoc.org.hk/s/thewayweare/ch/home.asp
今集認識多啲啲雙性戀
有Cuby同賤人介紹吓雙性戀旗係乜意思？
香港有乜雙性戀代表人物？
一提雙性戀，都係會諗起好多嗰啲刻板印象
記得聽吓兩位主持點樣回應喇
性小眾 唔要標籤自己為男性M或女性F，卻喜歡標籤為第三性X，等同向別人出櫃說：她們是#非男非女的跨性別者。... ... <看更多>
香港性小眾 在 香港性小眾出櫃訪問 - YouTube 的推薦與評價
... <看更多>