多謝林日曦令我喺呢個禮拜搵到一點快樂和精神安慰。大MK日，好好睇
世界變得好奇怪，雖然都係意料之內，但係殺到埋身嘅時候，嗰種貼身嘅震撼依然係有。
講講我自己。我寫咗2個好多年嘅專欄，一下子冇咗，未來所有媒體性質嘅業務都好難繼續營運落去。
這個星期非常刺激。從來冇人諗到一個上市公司嘅主要業務係可以咁樣結束營運。我相信曾志豪都有足夠嘅覺悟，但係佢一定冇預料到，佢影響咗佢嘅拍擋，唔算多嘢講嘅貴花田連份工都冇埋。
連累人嗰種難受嘅感覺，大致上我都有點經驗。我比較敢言，喺氣氛最高峰嘅時候，我嘅被標籤了，名字和個人資料很快在那些起底平台流傳。
我的舊公司都見到，他們馬上找了媒體文膽撇清關係，割蓆。我一點也不介意，換轉是我也會這樣做，我也不想自己的敢言連累無辜的人。那位文膽算有道義，他公布撇清前也把文字發送了給我，知會了我一聲。自此之後，我人生後續發展跟他們脫了關係，這樣，對大家都好。
我也曾經協助incubate了一些初創公司，其中一間是現在跟我還有零星合作的Fortune Insight，真正創辦人是兩個年青人。喺社會氣氛最高漲的時候，我用盡電話簿所有聯絡，幫他們連繫了社會上不同各界精英、知名人士、學者、社會賢達或媒體人話評論……有一些點擊率超過2百萬，紅極一時。
後來香港法律系統出現了新的變化，我自己死自己事，也不想連累旁人陰溝帆船。大半年前，我以management buyout方式低價把所有持股轉讓給現在的營運人，算是對舊拍擋有所交代。因有合約在身，只繼續維持訂閱知識付費和電子商店的合作，有點像潘小濤和商台的關係，也有點像林行止和信報的關係。
香港呢個地方，越嚟越難做自己想做嘅嘢，發展自己。現在我手上持有嘅項目，淨係得返一間借錢俾朋友生死未卜嘅茶飲店和一個加密貨幣交易中心，好在公司本來就在外地註冊，而加密貨幣本身就是一個反制度的存在。
好多人冇咗份工，好多人人心惶惶。正如林日曦自己都有講，世界變得太奇怪
今晚，我很感激佢，佢令最近情緒波動得比較大嘅我，找回一點安慰和快樂
香港電話簿 在 歷史時空- 1950s-1980s年光影流情香港那些年黑色攪盤電話 的推薦與評價
... <看更多>