最佳旅伴+高山症（高山反應）
有一刻，我以為自己會死係南美。
山長水遠坐成30幾個鐘頭飛機黎到秘魯，
相信去嘅朋友行程都有去位於海拔5300米既彩虹山。
去之前我當然都有上網睇吓人哋嘅遊記啦，
我見到幾多人都有高山反應，
我就唔信邪就以為自己唔會有事。
其實喺Cusco (3000米)嘅時候已經有少少發燒，坐旅遊車出發到彩虹山底(4500 米)食早餐嘅時候已經出現無胃口食欲不振情況。
一般黎講，
好多人都會選擇徒步行10公里上山頂同落山，
而我又真係頂唔順所以我最後決定咗騎馬上山，
因為我全身已經手腳冇力。
點知仲衰，
因為隻馬行得太快，
我身體更加適應唔到短時間內快速缺氧，
高山反應更加嚴重。
大家有冇睇到張相有個雪山，
其實我覺得呢一個天然現象都幾奇怪。
由於冇遮擋情況底下，
30幾度太陽直接曬落我度，
然後個雪山啲風又一直係咁吹過嚟好凍。
冰火交融，
一路出汗又想除衫，
但啲風又好凍又着返啲衫。
我差啲墮馬！
Btw，張相係我個馬伕。
Well,我個馬伕面不改容一直向上衝都不特只，
佢仲好開心咁拉住隻馬跑步🏃🏻，
咁隻馬有得跑當然好開心啦，
兩個一齊跑跑跑跑跑。
於是，我基本上係第一批遊客上到山頂⛰️ 本來我以為自己都到山頂啦，
點知仲有200米係一定要行路上去。
我呢一生人裏面未行過一個咁長嘅200米。
喺海拔5000米嘅情況底下，
我以為自己上咗月球，
根本就冇氧氣嘅。
我每行三步，
我就要休息1分鐘或以上，
呢200米我足足用咗一個鐘頭先上到去。
每上多一米，
我個頭到再痛多一度，
好以為我個頭就快會爆開。
上到最後100米嘅時候，
見到好多人都沿途折返根本上唔到山頂。
我咬緊牙關，
難得嚟到唔係唔上呀肥佬黎！（我姓黎）
終於都比我上到山頂，
但係我要等埋我兩位旅伴上嚟，
因為佢哋係行路上嚟㗎。
係等佢哋嘅時間裏面，
真係好痛苦，
呼吸困難、個頭就快爆開、
痛到一個點我以為我會死係山上面嘅時候，
佢哋兩個終於到咗喇。
佢哋問我要唔要幫我影相，
呢一刻，
我淨係想返屋企，
但我都好快咁同佢哋影咗幾張相，
就狗衝落山。
落咗200米嘅路程，
我瘋狂大叫我馬伕個名。
馬伕，馬伕，馬伕，
我愛馬伕，
我諗我真係好愛馬伕。
但頂你個肺，
麻煩睇圖二，
佢哋個個樣都一模一樣，
同埋佢哋全部都係馬伕。
我帶着尋重嘅身軀搵左佢好耐之後，
我終於搵到佢喇！
於是佢又同隻馬好開心咁樣落山，
我又差啲墮馬。
最後所有人集齊之後上返旅遊車，
旅伴1號Bowie係車程四個鐘不停咁照顧我，
最後嘔到佢件衫都好似污糟左。
返到海拔3000米之後，
旅伴2號大佬彭決定更改行程。
唔去我哋一早計劃好嘅玻利維亞，
佢哋好想去嘅天空之鏡。
佢話：天空之鏡幾時都有得去，你死咗就以後都冇得去。
我話：你地兩個去咪得囉，我自己留低喺度或者去第度玩都得。（因為其實酒店全部都book好晒）
最後我哋全隊員返返去首都利馬。
我知道佢哋係唔放心我一個人，
所以放棄咗一直以來好想去嘅天空之鏡。
要有一個真心為你好嘅朋友好難，
為咗你放棄自己鍾意嘅嘢嘅朋友更加難，
我都唔知邊度嚟嘅福份，
我有2個❤️ #summer #世界旅行 #traveler #worldtravelpics #travelphotography #hkig #hkiger #旅行日記 #hktraveller #thailandtravel #travelholic #旅行 #worldtraveler #ootd #travelrepost #worldnomads #filmphotography #machupicchu #マチュピチュ #cusco #クスコ #アルパカ #alpaca #peru #遊記 #explore @ Peru
