https://www.patreon.com/posts/54923342
敗燈自從響7月6日宣佈加快從阿富汗撤軍，阿富汗政府立刻兵敗如山倒，大量曾經協助美軍嘅阿富汗人被公開處決，「阿富汗出現人道災難」基本上已唔係未來式，而係現在進行。
之但係基於好多香港人對國際關係認識淺薄，再加上好多國際關係KOL偏好民主黨立場行而多番誤導，最終竟然養育咗一班燈粉響網絡上幫敗燈為阿富汗帶來災難性嘅撤軍政策護航，所以響度真係唔可以唔特別寫番篇文踢爆呢堆Fake News以正視聽：
而家班無恥燈粉最常講嘅一個Point係：「阿富汗撤軍是侵的決定，不是登的。侵和塔利班協議五月一號撤軍，登已經拖遲咗。」、又話「如果登決定再拖耐啲，途中有咩損傷，國內會有幾大反應。我都覺得宜家好大鑊，但我又唔肯定有好好多嘅選擇存在。」
一、呢個講法真係夠哂無瀨：喂當日你班左膠媒體為求抹黑特朗普，就不停批評佢響阿富汗嘅撤軍政策，咁你敗燈上台之後唔撚識得修正架？
唔該睇番歷史，特朗普上任開口埋口話要盡快從阿富汗撤軍，但事實上響2017年佢響阿富汗駐軍仲要不減反增，因為口講撤軍同現實上可唔可以撤軍從來都係兩回事，特朗普唔熟軍事，所以好多時都將阿富汗戰略交比軍人內閣作最終決定，即使2020年嘅撤軍計劃，都係將13000人減至8600人；
我地唔知特朗普連任成功後究竟佢會唔會再次推翻阿富汗嘅撤軍路線圖，但可以肯定嘅卻係，而家敗燈就係多番無視白宮專家同國防部將領嘅建議，一意孤行全面撤軍，呢個災難性後果當然要由佢自己一力承擔
二、特朗普已多次強調，阿富汗嘅撤軍係有前設嘅，就係塔里班不能響美國撤軍後攻擊「美國關連利益」，響阿富汗危急存亡嘅呢一刻，佢已發明公開聲明，表面如果佢仲響任內，塔里班目前嘅所作所為係不能被容忍的。
但敗燈呢，即使去到出現人道災難嘅呢一刻，佢仍然堅持「對撤軍無悔」，完全拒絕修正自己嘅錯誤，任由恐怖主義橫行、人道災難發生──所以警告你班燈粉，唔好再將責任推去經已無權無勢嘅特朗普。
三、好多燈粉，甚至不知就裡嘅膚淺網民，只識得一味批評阿富汗政府軍無能腐敗，但卻提都唔撚提敗燈個撤軍計劃係幾咁賤同漏洞百出：好多阿富汗政府軍表示，佢地根本完全唔知道美軍撤出，甚至係去到空無一人嘅美軍基地出現群眾搶掠時，阿富汗政府軍先知自己被敗燈賣甩咗；
阿富汗空優戰略一直靠同美軍緊密配合，敗燈響美軍撤軍嘅同時將所有支援阿富汗空軍嘅裝備、後勤承包商、技術支援人員一併全部淘空，令阿富汗空軍響6月之後維修率出現跳崖式下跌──你試下你做前線勇武，突然間望一望後面班Backup走撚哂、所有家長全部收番哂對你嘅支持，場仗仲有無士氣打落去？兵敗如山倒係關你無能事，定係比人出賣無心戀戰事？
四、最後燈粉係由黃屍蛻變而成，比人駁斥之後好自然又會問番同一個問題：「錦鯉有乜高見？」
其實特朗普經已做咗一個好好嘅示範：就係口講撤軍，但進度卻係視乎塔里班表現而定：表現好嘅，就慢慢減兵，一唔聽話嘅，就增兵兼加強空襲，打到你乖為止。
特朗普同敗燈作為一流同三流政客嘅分野，就係特朗普從來明白口講做實際做可以完全係兩回事，呢頭講美軍必須撤出阿富汗，果頭掉番轉增兵都仲撚得；同埋唔熟果範就將最終決定權交由軍人專家決定番，由麥馬提斯去到龐佩奧，佢地都明白美國駐軍之於阿富汗黎講，就係一種精神寄託，只要留有相當數量響度，塔里班就會投鼠忌器，；
而只有敗燈呢種戇尻，先會蠢到話九月前撤軍就真係跟住時間表走，露哂底牌比塔里班睇，然後仲要搞到局勢一Pat屎都仲要死頂話「無悔撤軍」，無論塔里班又好、中共又好，俄羅斯又好，睇見美國出現一個卡特以黎最撚弱智嘅總統，唔睇住你黎食，就真係無天理。
馬提斯 在 亨利·馬諦斯- 維基百科，自由的百科全書 的相關結果
亨利·愛彌兒·班諾馬·馬諦斯（法語：Henri Émile Benoît Matisse，法語：[ɑ̃ʁi emil bənwɑ matis]；1869年12月31日－1954年11月3日）是一位法國畫家，野獸派的創始人及 ... ... <看更多>