//八，所以，結論係一眾獻世派大聲公，例如老董、劉兆佳，好想定性今次管治危機有外國勢力介入，因為佢哋想北京插手插到入一入。簡單講，嘅係呢班獻世派想奪權，想架空特區政府。吹水話會出動老解，係擺習大帝上枱；如果係古代，呢種行為可以「矯詔」治之。//
給愛國愛港的你：林鄭為中央添煩添亂，本已最不可恕；老董、劉兆佳甚至擺習大帝上枱，實為奸佞小人行為，人人得而誅之！
【老解．焦土．獻世派 - 長文慎入】對於張曉明尋日以港澳辦主任身份響深圳對一班人大同港區全國政協嘅訓示，本座解讀如下：
一，港澳辦屬國務院機構，中華人民共和國解放軍呢，就聽命中央軍委。兩個系統，互不從屬。級別上，國務院係「正國級」，中央軍委都係「正國級」。「黨、政、軍」入面，可以指揮「政」（即國務院）同「軍」（即中央軍委）理論上就只有全國人大（更正確啲，應該話「全國人大常委」，但實際上係「中共中央委員會」。換句話講，張曉明對於出唔出老解，唔單止無權，直頭係唔可以說三道四（唔係你當上面班大袋死㗎）。
二，話雖如此，標準 LTT 任何一個中國嘅官員，都必須要話「觸動一國兩制，國家就有權出動解放軍」；明嘅，問題係何謂「觸動一國兩制」，點先算港獨。
三，六月，有傳過話駐港解放軍會出動，駐港部隊司令即刻同美國國防部亞太安全事務首席副助理部長 David Helvey 表示「香港嘅事香港自己解決」；有人理解成老解怕咗美帝，但亦都可以理解成「美帝唔好插手唔係我哋就介入」。典型嘅 Prisoner's Dilemma ；但事實上到今日為止，雙方都係吹水多過抹咀，而呢個平衡並唔見到有任何改變嘅跡象。
四，當然，經歷過八九六四，香港人係會怕「解放軍對付人民」，但「解放軍」理論上嘅對手係「外國武裝部隊」。有理由相信，除非真係有「武裝起義」，又或者「外國武裝部隊」介入，駐港解放軍係搵唔到理由出動；大不了，就係撐下警察，吹兩下水。
五，之前駐港解放軍司令放風撐警，可以理解成：「知你哋辛苦啦，撐落去」；言下之意，就係「靠你哋啦」。其實就算大陸入面，都唔係話下下出解放軍，如果唔係要公安做乜春？
六，返到去最根本嘅問題，就係如果出動老解，一定係由中央軍委落 order，即係習大帝要負責。你可以話老習有乜好驚，但事實上中美矛盾未解決，老習係咪值得為對付一班靚仔冒咁L大個險？又正如上面所講，經過八九六四，中共知道出動解放軍對人民可以有幾大鑊，而且仲要係香港喎，擦槍走火點算？呢隻鑊，習大帝真係想要？
七，北京係老闆，林鄭必出來嘅屎，就唔該用自己嘅方法同港警搞返掂。不過，之前我都講過好多次，北京一貫方法都係「威迫利誘」，今次亦唔例外。所以，警隊一定繼續要死撐，而另一邊廂文官系統就打經濟民生牌。Work 唔 Work 並非佢哋首要考慮，而係佢哋嘅思維邏輯唔會有變；呢個係統治嘅 SOP，佢哋亦只會識得咁樣去做。
八，所以，結論係一眾獻世派大聲公，例如老董、劉兆佳，好想定性今次管治危機有外國勢力介入，因為佢哋想北京插手插到入一入。簡單講，嘅係呢班獻世派想奪權，想架空特區政府。吹水話會出動老解，係擺習大帝上枱；如果係古代，呢種行為可以「矯詔」治之。
九，話說回頭，張曉明講到明撐林鄭撐警，睇怕呢個政府都唔會縮；而且講到明要你班獻世派保持隊型，不篤灰不割蓆。即係話，北京嘅盤算係要同香港市民打消耗戰，睇下你幾時出錯，又或者冇癮，又或者攰到收手。
分析到此為止，多謝收睇。
駐港解放軍司令 在 TDM 澳廣視新聞- 駐港解放軍司令員: 香港國安法有利震懾外部 ... 的推薦與評價
駐港解放軍司令 員: 香港國安法有利震懾外部干預勢力(澳門電台消息)... ... <看更多>