平日斯斯文文嘅藥劑師同事原來都幾勇武
#9349
*終極和理非藥劑師超合作運動系列 3.0*
<全民免費攞藥加強版 暨 通關大全
清算草菅人命醫管局>
陳局長/高醫生：
產房任睇私處、急症室任睇CMS、登記處任攞病人gum label但你唔譴責；
新型疑似大陸製催淚彈高溫逾3000度溶咗石屎蠟青路面但你話係最低武力冇嚴重受傷；
藍色生化液體武器兜口兜面射記者市民但你唔公開成分；
半個屯門毒氣洩漏你唔叫衛生防護中心調查仲話衛生處有指引唔舒服就睇醫生，指你條毛！
話空氣污染指數冇超標，冇你條毛！
叫人洗吓啲催淚彈放題街市既生果之後照食，食你條毛！
阿Mohan就係去睇浸會被醫生踢返去HA話唔識醫！連HA Poison Centre都冇資料呀！咪得返supportive treatment囉！Chemical Safety就正正係藥劑師其中一門專業，而家我連Safety Data Sheet 都check唔到，醫生問我我答咩呀？
催淚煙霧就深水埗阿婆都知係重過空氣啦，射完擴散開去咪沈係地面、檯面、你塊面囉，check空氣污染指數托咩？
催淚放題洗禮後既生果仲叫人洗吓繼續食，你個護士學位係咪同葛博士一樣淘返黎？你咁有信心，我唔使你自己食，係咪都應該攞啲士多啤梨啤梨蘋果橙sample去政府化驗所做個toxicology report證明安全呀？講流感疫苗既時候你唔係成日講evidence based practice咩？
陳局長，有真正專業既藥劑師（比如「香港醫院藥劑師學會」、「香港執業藥劑師協會」、「香港藥劑專科學院」）呼籲慎用催淚彈胡椒噴霧你唔向政府反映，反而信嗰個被建制龐愛蘭種票騎劫咗既所謂唯一政府認可垃圾「香港藥學會」，縱容佢一步步蠶食藥劑師專業，佢地有冇發過聲明？佢連支唔支持「不能說出名字的人士」開槍都唔識答！就咁睇你仲差過啲又唔做嘢、又唔讀書既「不能說出名字的人士」，因為市民覺得你係有讀書㗎！
既然奸臣當道，忠諫之路已塞，革命並唔係企係度唱吓歌拍住片就會成功既，我而家就用全HA藥劑師既前途同你show hand！
現在我呼籲全部香港人配合我地，係醫管局睇完醫生交藥單既時候記得記得話*冇錢*，一蚊藥費都唔好交！遇到我地既同路人必定向你報以微笑，立刻派飛，你亦可以打個眼色莞爾一笑互相激勵士氣；遇到任何行政上既阻礙（比如冇俾藥費唔派籌號、唔收藥單、未做手續唔執等等），大家唔好怕麻煩，用少少時間，咩都唔好講，大大聲話要抄低藥劑部職員姓名然後向病人聯絡主任投訴耽誤病情，問下冇錢係咪冇得食藥，我擔保不論黃藍一定跪低！如果職員為難你話要cut藥單份量然後出欠單，之後再返黎攞，你就話要搭飛機移民一定要攞全部藥！佢冇禁制令要求你攞機票出黎先有得入閘！
全港有43間大小醫院及73間普通科門診，我已私下聯絡一半以上同事，雖然唔係部門主管，但亦係有一定程度決策權的藥劑師，可以話到事，甚至會宣揚開去推己及人，佢地全部都會配合/被配合廣大市民超合作一蚊都唔俾運動！
大家知唔知
政府公務員（當中有大部分係3萬個不能說出名字的人士）；
綜援人士（好多都係新移民、呃社會資源既富豪）；
退休公務員（更多不能說出名字的人士）；
仲有佢地既配偶子女
呢啲人係醫管局做全部嘢都唔使俾錢！係睇醫生、洗傷口、做搭橋手術、換關節、攞最好既藥，全部一蚊都唔使俾！係全部！
如果呢啲因為社會制度腐敗、福利主義等等原因唔使俾錢就擁有世界級醫療服務的既得利益者，繼續蠶食香港人辛勤耕耘所結的果實，我覺得呢種福利全部香港人都係應得！
係我專業服務範圍之內只係免除大家藥費，我已經好克制專業，用緊最低智力！
主動表態定係繼續龜縮，陳局長高醫生你自己揀！唔使急㗎，星星之火 可以燎原，你慢慢唸定點係其他HA 政策入面cut多幾億補貼藥費啦！
你盡管利用你既權力針對藥劑師，盡管漠視香港人嘅訴求，盡管係HA Secret 呢度mon post啦，我仲有大把醫管局黑材料係手，我保證一定會秉承誠哥願景，愛包容、愛香港、愛法治、愛自己，容港治己逐件為香港人清算！
支持既同路人，請你地分享開去，特別向屋企既老人家、長期病患者宣傳，咁簡單既事，又有著數，極低抗爭成本，而且人多就會贏！藍既人你有骨氣的話就繼續交錢啦，不過我覺得你一定冇！
如果各位係支持既
可以講一句：「藥劑師辛苦了！」
我地冇開篷閱兵車，只有堆到山咁高既派藥車
但會係每個醫院、診所藥劑部裡面答你：
「為人民服務！」
時代革命之志，光復香港之路，由清算草菅人命醫管局高層開始發亮發光！
