【 無聊事認真做之大笨象打支槍去打仗民意調查 】
論過去兩日最熱門的網上討論話題有三。
＃朱智賢 哭着說自己經驗不足，無法抽離角色，一時意亂情迷，所以跟 ＃黎振燁 在車上食蛋糕。助理警務處長 ＃陶輝（Ruper Dover）被《 ＃壹週刊》揭發於清水灣碧水新村的寓所屬於不可轉遠或出租的「牌照屋」，又指該屋涉潛建和霸佔官地問題。ViuTV深夜清談節目《晚吹 － 空肚講宵夜》周三（29／4）播出的最新一集，其中一個吹水題目，是指很多事情都有不同說法。主持之一的梁祖堯失驚無神爆出一個都市傳說：原來「大笨象揸支槍去打仗」這句順口溜，下一句竟然有「港島區限定版本」？（睇片：https://bit.ly/3aSeSZG）
話說，這是節目中的「碎嘴」（Chit-chat）環節，阿祖一邊開爐煮食，一邊與另外兩位主持 ─ 陳俞希（Hailey）和蔡瀚億（Babyjohn）傾偈，突然間話鋒一轉，阿祖說：「你知唔知有單嘢？」他問兩位拍檔知否「大笨象揸支槍去打仗」下一句是甚麼，Babyjohn以九秒九速度回答：「打唔贏返嚟食碗辣椒醬！」Hailey表示答案一樣：「咪佢都講嗰句囉」。阿祖便說：「你哋就喺九龍長大或者新界長大嘅小朋友！」
Babyjohn聽罷顯得難以置信，一臉茫然的問：「下？香港有（攻）打過九龍同新界咩？香港贏咗九龍同新界咩？」阿祖解釋：「你知唔知港島區所有小朋友，都係（講）大笨象揸支槍去打仗，『打完仗』返嚟食碗辣椒醬，然後九龍同新界就係『打唔贏』返嚟食碗辣椒醬，真係架，呢一樣野已經100％經過核實！」看到這條短片的時候，邊睇邊問：係真唔係真呀？我在上水長大，來來去去都只聽過「打唔贏」，沒有其他版本，於是趁五一勞動節不（想）勞動，便來個無聊事認真做，Fact Check去也。
打開手機的電話簿，先後向四位，記憶中都在港島區長大的朋友問他「一笨象揸支槍去打仗打唔贏」之後的下一句是甚麼。在北角區長大的媒體人「Law少」許耀斌 十字牌早餐 LAW少 當時正在行山，他有點上氣不接下氣的說：「打完仗呀！」在灣仔區長大的 黃大鈞 Alan Wong 說：「係『打唔贏』，亦都有聽過『打唔成』，可能係咬字唔好，但就未聽過『打完仗』！」家住南區的新晉演員 周漢寧Henickchou 的答案最令人洩氣：「我直情冇聽過！」唉，知你後生喇，他再「補一刀」說：「不是我的錯！」至於我一直以為對方是在港島區長大的《Chill Club》主持人 駱振偉 Thor Lok說：「打完仗呀，我住西貢！」下下下下下下？點解嘅點解嘅？他笑言：「何必太認真？」
留意，這是無聊地認真，多少年了？香港人沒有如此「認真」的討論過那樣貼地的本土話題，而且是學生時代的集體回憶呀。看電視，其實真的很有趣，這是電視節目本應存在的基本功能。
重溫《晚吹 ─ 空肚講宵夜》：https://bit.ly/2zKEDOJ
原來《大笨象》係有首歌：https://bit.ly/2VWzXy9
梁祖堯IG出Post後網友瘋狂討論：https://bit.ly/3aSeSZG
（01052020）
＃游大東 ＃游大東影視筆記 ＃VIUTV #空肚講宵夜 ＃大笨象揸支槍去打仗 ＃打唔贏返嚟食碗辣椒醬 梁祖堯 Hailey Chan BabyJohn蔡瀚億 葉一知 gregory wong 王宗堯 做乜膠睇電視 快樂的 Written on the Wind（電影資訊） The Culturist 文化者 周寧
黎振燁ig 在 黎振燁Jackson 的推薦與評價
黎振燁 Jackson. ... Jackson認可之國際官方影迷會~ 我們將不斷更新有關Jackson資訊想支持Jackson可以message比我地Please Follow Us And Support Jackson Instagram:. ... <看更多>