《尖沙咀法國菜🇫🇷高質鴨髀🦆/黑毛豬🐖》
已經好耐冇食法國菜，搵咗間樓上法國餐廳試一試🇫🇷。裝修方面唔算係好高級嘅法國餐廳，走家庭式路線。
.
~~~~~~~~~~~~~~𝒮𝒶𝓁𝒶𝒹~~~~~~~~~~~~~~~~
📍西班牙辣肉腸田園沙律配柚子蜜醋汁
沙律菜爽脆🥗，辣肉腸鹹香口感柔軟，不過香醋就略少，多啲會更好食。
.
~~~~~~~~~~~~𝒜𝓅𝓅𝑒𝓉𝒾𝓏𝑒𝓇𝓈~~~~~~~~~~~~~~
📍西班牙風乾火腿配芝士
一共有三款火腿，全部都柔軟富鹹香🐖，配上芝士🧀同蕃茄乾🍅味道唔錯🤟🏻。
.
📍磯煮南非鮑魚配煙燻希靈魚子醬
鮑魚煮得入味又夠柔軟，配上魚子醬矜貴又好食✨。
.
~~~~~~~~~~~~~~~ℳ𝒶𝒾𝓃𝓈~~~~~~~~~~~~~~~~
📍法國油封鴨髀配雜莓紅酒汁
鴨髀肉量比想像中多🦆，輕輕用叉拮開啲肉就可以拆出嚟，肉質非常嫰滑而且入味，味道一流😍。旁邊有個雜莓紅酒汁🫐🍓🍷，用嚟配肉食味道更加豐富。最後仲有唔同嘅蔬果做配菜，呢個鴨肉的確好有驚喜❤️。
.
📍西班牙黑毛豬配蜜糖芥末汁芥末汁
喺出邊食豬扒最怕就係啲肉又乾又鞋，但呢度就完全冇呢個問題。豬扒厚切，中間係好靚嘅粉紅色💗，食落肥美口感柔潤，完全冇豬氣除🐷。只可以話無論係選料定係烹調手法都無懈可擊。
.
~~~~~~~~~~~~~~𝒟𝑒𝓈𝓈𝑒𝓇𝓉𝓈~~~~~~~~~~~~~~~
📍士多啤梨奶凍
奶凍奶味重🥛，食落口感幼滑，味道唔錯，而且份量都唔算少，不過就食唔出有士多啤梨味🍓。
.
📍焦糖燉蛋
焦糖表面做得脆身但燶咗少少，燉蛋部份蛋香味濃🐣，口感creamy幼滑，好食👍🏻。
.
呢間法國菜嘅主食真係冇得輸✨真心做到令人有驚喜嘅程度😍。價錢方面都係合理嘅法國餐水平。不過餐廳唔大，記得一定要預先book咗先嚟食呀。
.
.
Le Paradis Restaurant & Cafe (尖沙咀)
尖沙咀加連威老道41C嘉威大廈4樓A室
黑毛豬火腿食法 在 西班牙手切風乾火腿香蒜意粉 - Facebook 的推薦與評價
西班牙手切風乾 火腿 香蒜意粉 】 #西班牙手切24個月 黑毛豬 風乾 火腿 除左配蜜瓜食今次影片仲教你可以配意粉 頂級既西班牙風乾 火腿 配意粉做法十分簡單 一上枱已經好 ... ... <看更多>