［我講嗰個西貢，而家叫胡志明市呀］假裝在越南🇻🇳。之前在投注站對面，有人話某金融KOL一提就好多人。咁即係，鍾意嘅嘢梗係讚，唔通想人執笠冇生意咩（雖然有時都會有私心驚講完啲嘢好多人去，但反覆思考下，都係唔知醜太高估自己）
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
TLDR：原本講越南🇻🇳，變咗講《濁水標流》，同埋社會。食評？冇喎。
1. 而家搬遠咗，何福堂七仔再過。餐牌多咗嘢，有春卷有飯。之後報告。多咗個人幫手（佢阿媽？），但廣東話就麻麻地，唔似Jason 咁流利。大家講嘢唔好咁快咁複雜。
2. 又，屯門越南🇻🇳人好多都住呢頭。「之前有單情侶斬人都係」
3. 老嘢會知，我舊文都有寫（https://bityl.co/7uCf），屯門當年有好大個越南🇻🇳難民營，在虎地。而家富泰/嶺南大學個位。仲係開放營。越南🇻🇳人可以出嚟買嘢，甚至打工。
4. 我細個住兆康，細細個就接觸越南人。「就好似村上春樹在神戶海港接觸外國人咁」。舊文都寫過，越南難民，男人咪做地盤，做古惑仔好似冇乜，龍五咩（嗰時黑社會仲未老化，「人工」又還好，仲吸引到本地人，唔使搵南亞人）。
5. 女嘅？咪賣身。都市傳說「十二個蘋果」，係咪十二個唔重要，係咪蘋果都唔重要，但肯定係有呢啲勾當。呢啲冇乜需要潔癖刻意迴避的。冇乜技能嘅女人，搵錢當然係靠呢樣，有乜好奇怪？你見Florida Project都係咁，叫個細路入房就算架啦！（＊）。
6. 我並唔係要做女權自主L講到做雞點高尚點尊貴，點樣反污名化．雞咪雞咯，正如盲人係盲人 基佬係基佬，你問佢地佢哋都覺得冇問題。咩「visually impaired」之類，左膠自己感覺良好啫。我基佬聾人朋友都係自稱基佬聾人，亦唔介意人咁叫（兩個人啦，唔係又聾又基）。
7. What's in a name? That which we call a chicken by any other name would taste as sweet．正如我唔係美化吸毒或乜，但，根本就十分平常。你個世界可能冇呢啲嘢，但你個世界唔係全世界嘛。
8. 舊文提過，《過春天》茄輪都唔打個，亦係呢種潔癖。《麥路人》就仲好笑，根本呀「媽媽」下海合理之極。而我唔明呀金融才俊阿博嘅邏輯在邊，做乜去飛機場幫人出火就得（唔係正骨可以搵八萬蚊下話？邊度請人？），企街就唔得。
9. 《濁水漂流》並唔算好出色，但佢比《麥路人》好嘅係「誠實」。喂啲「街友」慶祝兄弟出冊就係醒一針。人地個世界係咁的。你見美國啲窮黑人都係咁，為乜呀？電影講到明（我覺得太明），等你走唔出呢個圈呀。唔通你「上流」咗會關心啲道友兄弟？人地就係唔想見你成功有正常生活。梗係要drag you down
10. 正如呀吳鎮宇明顯對阿木投射咗父子情（又係講得太白），阿木去吸毒佢要鬧，朋友引阿木佢都唔畀。明白係嗰種「我自己衰但唔想個仔衰」嘅心理。
11. 咁所以，佢去請阿木叫雞，根本亦係合理之極，唔通幫佢訂一年《端傳媒》？（即係咁講，或者，唔通幫佢訂一年 Ivan Li Patreon？）．我記得《華爾街》人地corrupt the youth，咪出花紅帶佢叫雞咯，睇得起你呀。
12. 喂，係咁架喎，唯一唔合理就係做乜深水埗企街有啲咁後生嘅女，仲好似係本地活雞。我就冇見過啦，導演不妨介紹下。
13. 舉一反三，《濁水漂流》入面，你見呀老爺一行人，就係去舖頭偷嘢。係咁架喎，根本平常之極。一樣，我唔係「美化」犯法或偷嘢（私有產權是資本主義的基石），但更唔係講咩「竊鉤者誅，竊國者侯」之類（雖然好大程度上係），唔係講咩「制度不公義」咁上綱上線。
14. 應該睇到呢度，好多人都不滿我呢句「喂，係咁架喎」。「個社會就係多呢啲你咁嘅仆街先搞到咁」「點解唔去改變佢」。但，喂，真係咁架喎！你當然可以或者應該去改變佢，「人人係咁唔代表你都要係咁」，正如我都冇去吸毒冇去偷嘢。但，你自己做好自己咪夠，我就至怕人指指點點其他人，「你應該點點點」，人地嘅人生，我嘅人生，關你撚事咩。
15. 我本書都未有位講，人生一大法則：唔好畀unsolicited advice，好乞人僧的。我以前都會，大個先知幾咁討厭。你點咗條好路人行，就自不然做優越青，「拿，嗰時多得我叫你入建造業訓練局咋，人工仲，哈哈哈」。你點咗條衰路人行？人地怨你一世添。
16. 係，好多人就係咁的，講過隻股票佢輸咗錢都嚟怨你啦，一定係有人拎住支搶指住你買的。呢個世界好多人，就係唔會為自己嘅決定負責任。但，喂，係咁架喎！
17. 所以，你見我核心價值都係個人主義，你咪煩我我咪煩你，大家走大家嘅路。
18. 呢個未必係《濁水漂流》嘅價值，但首先導演有講，戲入面蔡思韵嘅角色，就等於當年嘅佢。講真，呢啲中產，唔係話你不知民間疾苦，但，你點去明白人地嘅感受呢？導演本人，戲入面嘅蔡思韵，仲有我同你都係。
19. 我個人覺得戲入面拍啲大學生迎新營去露宿者度學習，又搞埋啲咩理想家園，就好有喜感。雖然我後來發現而家O Camp真係玩呢啲，好彩我早出世。而似乎導演拍呢啲唔係為咗諷刺啲大學生消費露宿者，實請畢業爭住幫地產霸權同政府出力起樓，只係我太cynic
20. 真的，適可而止，可能咁啱嗰排得閒，我睇咗好多導演嘅訪問。戲入面有一幕我好欣賞，個記者訪問吳鎮宇，問佢故事，都刻意中斷咗—呢個安排係特登的。我見唔少講法話故事無頭無尾（想點？），冇講到點解班友淪落街頭，冇講背後嘅故事。導演有話：就係特登唔講，因為佢唔想你有代入感，唔想你搵到自己嘅影子，「第時我都會係咁」，導演係寧願你用一個抽離啲嘅角度睇。
21. 食評？冇喎，等緊嘢食。但你睇我啲文為咗睇食評？
（＊）Bonus：大逆不道，但我都真係要講，希望我老母睇唔到。話說我十歲八歲時，我老母都係好撚神秘咁，有時夜晚唔見咗人，仲要特登打扮咁。咁嗰時老豆已經走佬，我雖然十歲八歲，但都知好多嘢，都心諗哪有錢？我嗰期係真係幾乎以為我老母去賣身或坐枱的（未免太高估佢？但，我十歲八歲時，我老母三十未到喎）。真係罪過罪過。真相？佢只係約咗情人啫，佢後來老公，當時都搞離婚，好合理，況且係我老豆有婚外情在先。不過呢，就真係唔好低估啲小朋友嘅「懂事能力」，我細細個已經sense到呢啲嘢，由佢會打扮已經知。亦證明我細細個就係一個好敏感嘅小朋友，都話啲單親家庭嘅小朋友好多都係咁。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
黑社會 飛機 在 [心得]黑社會。 - 看板movie - 批踢踢實業坊 的推薦與評價
在杜的黑幫片中，黑社會人物較多，是比較繁雜的一部。
與我最愛的槍火比起來大氣有餘，緊湊不足。
但還是得了香港電影金像獎的最佳影片與最佳導演。
羅大佑的配樂以弦樂為主，有江湖老練深沈的滄桑感，跟李欣芸的深海簡直不相上下。
但我想李勝出的原因應在於與影像有更大的共鳴。
大D狂放與阿樂內斂對比鮮明，外顯易而內斂難，梁任都是不可多得的戲精，演啥像啥。
最後還是梁得獎，任的表現沒讓我驚艷。
鄧伯要維持權力平衡，但阿樂殺了大d，是諷刺；大d隔著牢房對叔父喊打，是諷刺。
這是個充滿利益、暴力、階級與服從的群體。
東莞仔和大頭可以合作；大d跟阿樂可以合作；龍根因為四眼明轉支持阿樂；
串爆和火牛的針鋒相對被鄧伯輕描淡寫的一句請茶化解，輩份高低不言而喻。
實力、義氣、人脈、心計，導演一再用對話告訴觀眾：想在這裡生存，先學會這些。
比誰氣長，不比一時。
他透過魚丸標告訴飛機、透過龍根告訴jimmy、還透過大頭背書似教育東莞仔跟師爺蘇，
觀眾則是另一群學生。
jimmy跟飛機是競爭、東莞仔與jimmy你追我跑是心計，阿樂要吹雞自盡同樣是心計。
不歸路上人人瞎闖，除了阿樂跟大d，幾部車沒人知道接著開打或轉彎，只能跟隨。
這是宿命。恐龍以為挑撥成功，最後屍體反被長毛帶走。
一山還有一山高，杜琪峰常玩這種遊戲。
--
一筆，一劃，橫直作書，獻刻給心裡的上帝。
www.wretch.cc/blog/tevolina
--
※ 發信站: 批踢踢實業坊(ptt.cc)
◆ From: 218.166.176.154
... <看更多>