Search
【12月環保的事回顧】
12月眨吓眼就過咗去🗓，新一年鬼鬼都會繼續做 #環保KOL，同大家一齊大大出力💪🏻。展望將來之前，一齊回顧上一個月嘅環保的事先。
低碳綠色科研基金接受申請
有咩減碳「新橋」記得唔好收埋，而家機會嚟啦。為咗將香港建設成為可持續發展城市🏙，政府撥款二億成立嘅低碳綠色科研基金正式開始接受申請💰。秘書處將會喺1月5號舉辦網上研討會，有興趣嘅機構可透過基金網頁報名參加。
🌐基金秘書處網頁：https://www.gtf.gov.hk/tc/
執法個案
早前新界東北堆填區有廢物被卸下後產生火花及輕微爆炸🔥，被裁定違反《廢物處置條例》及《廢物處置（化學廢物）（一般）規例》。好彩今次無造成人命傷亡，但化學廢物須由持牌收集商做處理同安排㗎🚛，如果有咩意外真係可大可小。
#12月環保的事 #低碳綠色科研基金 #循環經濟 #綠色復蘇 #綠色就業
【11月環保的事回顧】
2020年嘅時間過得特別快，話咁快就嚟到12月喇🗓，一齊睇吓上個月有咩環保的事回顧先！
Y‧PARK ［林・區］
2021年就會投入運作嘅Y・PARK ［林・區］主要工作係將園林廢物轉化成唔同嘅有用物料，例如種植用嘅堆肥。園區會用粗大嘅樹幹嚟生產成木板同木方，交畀唔同行業嚟應用，例如家具製造、裝飾和木製藝術品等🪑🚪。另外，為配合環保署發展緊嘅生物炭試驗設施，Y・PARK ［林・區］日後都可以提供到原料添！
執法個案
早前堵截兩宗非法進口有害電子廢物個案都被裁定違反《廢物處置條例》。進出口商除非事先有有效許可證啦，如果唔係無論進口定出口有害廢物都係違法㗎！
#11月環保的事回顧 #Ypark #循環經濟 #綠色復蘇 #綠色就業
