港產女團，一向唔易做
要面對大部分人都喜愛韓團市場嘅情況下
更加難上加難
之所以堅持下去
係因為大家覺得自己不是0
所以
請支持及學習欣賞本土文化😉❤️
成軍已經有三年時間嘅樂壇女子組合BINGO，近年經常喺香港同廣州之間穿梭往來。一直以跳舞歌曲作為賣點嘅佢哋，究竟點樣喺兩地嘅市場，搵出生存之道呢？
成員Odilia 陳康琪覺得，香港藝人進軍內地巿場，有一定「吃香」嘅地方。因為雖然香港同廣州都係以廣東話作為主要語言，不過兩地之間喺文化上，其實有一定程度嘅差異。香港人帶港式跳舞音樂進軍廣州巿場，某程度上可以將啲文化上嘅衝擊，帶俾廣州嘅朋友。新成員夏子涓Queena就認為，宣揚港式快歌，係BINGO成軍嘅其中一個主要目的。每當佢哋由香港帶音樂作品上廣州演繹嘅時候，都希望可以令當地人知道乜嘢叫做港式快歌，以及同其他地區快歌究竟喺風格上有乜唔同。至於隊長Carman Kwan 關嘉敏就指，內地巿場比較接受佢哋青春活潑嘅形象，而香港嘅朋友就會比較著重佢哋嘅型格。所以有時就算演繹嘅係同一首歌，但係喺衣著同埋舞步方面，兩地嘅版本都會有一定分別。Carmen強調，BINGO依然會以香港作為事業基地。
近年唔少香港樂迷揀跳舞歌曲嘅時候，好多時都會選擇來自韓國嘅作品。身為香港樂壇跳舞組合嘅其中一份子，面對咁嘅市場環境，到底BINGO又會如何自處呢？遲啲講比大家知。
#See生活
#BINGO
#Carman關嘉敏
#Odilia陳康琪
#Queena夏子涓
#港穗穿梭
#文化衝擊
#港式快歌
#BINGO專訪Part1
bingo專訪part1 在 豪記唱片- 楊哲電台專訪-播出時間如下BINGO 『寶島大歌廳』part1 6 ... 的推薦與評價
楊哲電台專訪-播出時間如下BINGO 『寶島大歌廳』part1 6/24(六）1510 BINGO 『寶島大歌廳』part2 7/6（四）1510 #楊哲#楊哲粉絲團【寶島聯播網】全台收聽頻率： 北部 ... ... <看更多>