嚟到全新裝修後嘅帝都酒店中菜廰玉庭，第一個感覺是雅潔中帶點歐陸貴氣，保持原有的親民中加添型格個性。
行政總廚林東銘師傅的全新餐牌，除保留部份潮州菜及閒情小菜，亦加入了一些創新精緻菜式，好似香煎帆立貝伴牛肝菌汁，脆皮千層糯米豬，火炙水晶鹽焗雞、芙蓉金沙龍蝦球等；推介脆皮千層糯米豬，乳豬皮脆肉嫩，中間層係香煎櫻花蝦糯米飯，多了一點鮮味，多咗一重口感，一試難忘！芙蓉金沙龍蝦球無論是賣相及味道，都做得非常出色。
甜品堂弄蛋白杏仁茶係全晚嘅高潮，因為經理在晚飯後段已經說要留肚食個甜品，說到製作的細節，如何做出一碗坊間少有的香濃幼滑蛋白杏仁茶；心諗堂弄這個甜品，講就天下無敵但要真正做到，無論是蛋白、火候及手法都要非常精準，所以很期待堂弄的一刻；終於看到處理蛋白的方法，控制杏仁茶的溫度，落蛋白及攪拌的手勢，絕對是一絲不苟非常專業，心諗這個杏仁茶有啲料到！上枱時發現蛋白絲絲柔滑地融入香濃的杏仁茶中，絕對搵唔到「一塊塊」蛋白，絕對係食過嘅蛋白杏仁茶中最好的三甲之內！
#HappyBirthdayToMe #帝都酒店 #沙田 #玉庭 #中菜 #酒店餐廳 #RoyalParkHotelHK #Shatin #HongKongHotel #JadePavilion #ChineseCuisine #ChineseDelicacies #HotelDining #HotelDelicacies Royal Park Hotel
