「離婚係一個俾大家重新出發既選擇，唔係一個困局。」
最近學校遇到有家長邀請我幫忙，話佢有個朋友離婚了。因為官司的糾紛，家人又不支持，最近說想尋死，所以好擔心。知道我係過來人，而且小朋友又好樂觀同開心，想搵我同佢傾傾。
首先我好想帶出一件事，每次人地問起我婚姻或家庭狀況，我都好輕鬆地答: “我係單親媽咪。” 但我唔明點解一般人既反應，眼神都表現出非常意外然後好抱歉地講:「Oh I am sorry!」
而我每次都好想反問佢地: “其實你so咩rry？又唔關你事？🙄”
咁當然我都好行咁答: “Is ok,我好好。”😂
我聽到有人尋死，特別係有小朋友既父母，我真係好想好認真同大家分析，基於我地生長於依個有文化有學識既年代，有手有腳既情況下，到底離婚係咩一回事。
「離婚係一個俾大家重新出發既選擇，唔係一個困局。」🌱
唔理你係被動定主動。特別係去到打官司，證明大家都想用最公平公正既方法去理清段關係而爭取應得既野，換句話講，即係好清楚唔會想再一齊返。就算審判唔公平，就算屋企人覺得丟架，咁最後你點都會得到既係一個交代，另一種生活模式既開始。
係唔公平咖啦，你揀既。。。🙈
錯唔緊要，識得承擔責任就係一個好既開始。
既然你想重新有選擇，有新生活，首先你就要承受少少既心理關口，家人既無奈，經濟既壓力，旁人既眼光。你係媽媽黎咖嘛，媽咪係萬能同多功能既出品，你有本事生就有本事養，更何況你生於香港依塊福地。真係搞唔掂既，拿住綜合緩助金先，反正你唔拿北上落黎既大把人拿。。。😂😂😂
你唔好怪自己，咩無時間陪小朋友啊，小朋友無左爸爸啊。首先，就算好多婚姻中既父母，在職人士，佢地都可能每星期計埋對住自己對仔女都係得果24小時，大佬，真係唔使做咩。然後，無左爸爸，如果個爸爸係真係死左既，咁真係無計啦，咁如果死左就唔使搞離婚啦！😅講笑。。。。。。
法律上，生父係有探視權，即係你幾唔願意都要俾小朋友見佢，除非個爸爸唔見。咁佢自己唔見你有乜計，咁只能夠證明好彩你走得快。🤷🏻♀️
小朋友眨眼就大，千其唔好咁傻，你既人生係你自己手中，握緊佢，就好似你握緊你孩子對手一樣。
真係想尋死，千祈要話俾所有人知，唔好覺得咩都無曬，你如果真係離開依個世界，你既家人，孩子真係灰到世界盡頭。🤦🏻♀️
我唔知幫到啲乜，但我覺得我企得到起身的話，無乜人企唔到。🤷🏻♀️👧🏻❤️👦🏻
加油，媽媽們！💪🏻❤️🙇🏻♀️
#dearsingleparents #單親日誌 #charcharart #maternityhelper #月娘子 #好好過日子 #過去總會過去
