【 #JARvelogue周遊學・點解日本人打招呼會鞠躬㗎呢? 】
相信大家去日本旅行、或者睇日劇，都會見到日本人周不時都鞠躬，無論係見面打招呼、定係道別目送對方走，都一樣會鞠躬。今次就分享日本人打招呼時鞠躬嘅理由。
喺西方國家，打招呼時大多數都係握手，而日本人認為要鞠躬，係源於古時。古時嘅日本人喺鞠躬時低頭，係將最重要嘅頭部(頸椎位置) 俾對方見到，代表冇防禦嘅意思。另外，鞠躬時視線會一度離開對方，代表佢地信任對方。有講法話日本人認為握手，雖然係身體嘅接觸，但因為視線一直冇離開過對方，唔算完全信任對方，係有戒心嘅行為。
從而得知，日本人打招呼時鞠躬嘅原因，係想表達自己信任對方、尊敬對方。不過躬鞠方法唔啱，有時反而會更失禮。簡單講少少鞠躬時嘅注意事項啦！首先，無論係坐喺度、定企喺度鞠躬，條腰都一定要伸直。另外就係要留意呼吸，要一邊吸氣一邊鞠躬，在心裡面數住1、2、3一邊低頭，到個頭停落黎嘅時候就呼氣，數4、5、6，之後再一邊吸氣一邊抬頭，日文稱之為「禮三息」(息解作呼吸)。咁樣整個過程睇落先自然優雅，喺對方面前留下好印象。
除咗鞠躬時嘅姿勢同快慢之外，有幾件事係鞠躬時唔可以做嘅，
1️⃣唔可以一邊講野一邊鞠躬。
2️⃣唔可以不停keep住鞠躬。
一邊講野一邊鞠躬，會被視為唔尊重對方，正確做法應該係「先說話後行禮」」，打完個招呼先至鞠躬。而不停keep住鞠躬則會令對方覺得你好心急，所以唔係所有嘢都係越做得多就越好㗎，下次唔好一邊 Arigatou Arigatou 一邊係咁鞠躬喇😉
#JARvelogue
#日本冷知識
#喜歡睇嘅請Like同Share出去啦
#有人睇先有人寫
#又係圖文不符時間
arigatou意思 在 浪人日文教室- ありがとう(arigatou) ありがとう就是謝謝,感謝 ... 的推薦與評價
ありがとう(arigatou) ありがとう就是謝謝,感謝既意思,不會日語的朋友也會聽過這個句子.把ありがとう轉換成漢字的話,就會是「有難う」,就這樣看漢字的話,就會覺得原來 ... ... <看更多>