😋 #EmptyPlateChallenge 🍽 #浪費食物不如浪費青春 🙆♀️
飲食方面，除左食素，仲可以點樣減輕地球既負荷？
今次我嘗試挑戰自己，每一餐都要食到隻碟乾乾淨淨。聽落好簡單，但對於非常挑食既我原來都有啲困難，亦有慘敗既經驗。
本身只係諗住減少製造浪費，無諗到呢個過程令我更加了解自己既飲食偏好同習慣。以下總結幾項得著：
1）🙋🏽♀️要同餐廳溝通，表達自己既要求
例如：走洋蔥、走飲管。不過有試過講左都係走唔到。所以我會記住間餐廳，下次去就叫第樣 - 熱檸水一定無飲管啦！
2）主動詢問食物既成份🕵🏾♀️
「個飯會唔會落芹菜嫁？」去過咁多間餐廳都無印象有一間會拒絕溝通。最後我可以食到自己最想食既野，又慳左力唔駛挑挑挑。
3）👯♀️識揀一定揀個喜歡食你唔鍾意食既野既朋友一齊試新餐廳、去旅行
身邊總有一個鍾意芫茜鍾意到可以生食既人。
4）食之前做定research👩🏾💻
睇定人地寫既食評同食物既相，預先了解食物成份同份量，可避免中伏～
5）🐳叫少份量
譚仔要少麵可以勁減一蚊！但其他餐廳就算無做優惠，你都可以講聲少飯唔該～
6）自備餐盒 🍱
好多時叫左碟飯太大，慶幸自己有帶餐盒，唔駛夾硬食之餘可以做聽日lunchbox。
7）🌈買個最適合自己習性既餐盒
鍾意直接放飯盒叮既梗係揀玻璃，怕重想摺得埋又可以入焗爐揀silicone，想大容量有液體可以用 Roll'eat 食物袋。買個外觀靚既，見到都開心啲，自然就會想日日帶出街。
🌊食素可以由源頭減少16.5%溫室氣體排放、水污染。
🥢自備餐具可以完全取代一次性餐具既存在。
🌽選擇合時宜、本地農作可以減少運輸碳排同營養流失。
🏋🏾♀️減少食物浪費既根本係減低糧食資源既錯配，同埋處理廚餘所需既額外能源負擔。
所以話，#識食一定係咁食
#食素也要走塑 🥑
#challengeyourselftoday #tag身邊成日食剩野既朋友
