自從有網友批評我貼啲心水加密貨幣出黎呃呢度嘅新仔接貨，我之後已決定將自己嘅心水轉貼響私下交流Group入面唔再公開，幸不辱命，四日升咗3倍，比中傷我嘅網友標準線「一星期升一倍都係垃圾」高咗少少。
然後真係有網友跟住買左，有哂人證架──不過有啲網友無主動入Group，為咗對大家都公平d，往後我都一定會寫響Patreon入面再通知大家
不過相比起隻幣升幾倍，我比較安心嘅係之前我響度免費同大家推介過咁多隻幣，基本上每隻都肯定有錢賺（Yearn、dot），只係賺多賺少嘅問題（例如隻Pickle而家回番轉頭，但如果當日你響一倍個位食糊，應該fatfat），但大家千祈唔好以為我賣廣告叫大家Join我Patreon：
1. 而家個幣市雞犬皆升，你合埋對眼推錢入是但一隻幣（我試過想買隻chi結果買錯隻chz，點知都賺一倍…當然買chi已賺三四倍啦），可能最尾都賺大錢收場，唔存在乜嘢獨到眼光問題，只係因為而家Crypto嚴重泡沫化，大家要有哂心理準備佢爆破一刻有無能力承受；
2. 買親垃圾幣都高風險，你一定唔敢賭身家，所以贏最多只係贏少少（例如今次隻ZKS，我都只係敢買一萬蚊咋），反而九成長Hold藍籌你會安心好多
3. 正路都係用我之前提過嘅最穩陣投資策略，再加埋挖礦賺息保本，呢個先係我主菜：Sorry一路都未得閒寫篇文，應承大家2月底前一定有……
4. 都係果句，買垃圾幣係高風險玩意，仲有人話我呃新仔接貨添，所以風險自負，最好就唔好跟。
