話說我同我老公都勁鍾意食餃子🥟，所以就算我廚藝唔好😂得閒都會包嚟食！鄰居知道附近開咗間勁好味餃子店，於是即刻介紹我去食，今晚就嚟會一會米亭啲餃子先！
呢度個餃子餐好抵食喎！$48有齊主菜、小食、配菜、仲有豆漿，簡直係抗通脹之選！可以自選淨餃子或者飽肚上海麵，仲可以自選湯底，完全照顧到唔同口味人士需要喎！
我呢款餃子餐就叫咗白菜黑豚肉水餃🥟配豚骨湯底跟上海麵，上海麵吸收左豚骨湯底，好入味！個水餃🥟夠晒皮薄餡靚，一咬開除咗肉質仲有肉香，果然好味無介紹錯呢👍
小食就叫咗金絲蜜椒雞翼，脆卜卜雞翼甜絲絲醬汁，配搭好match，估唔到幾十蚊一個餐有咁超班小食😋完全驚喜！
隊友就揀咗秘製酸湯底配韭菜餃子🥟上海麵，個上海麵好惹味，配埋芫荽勁正！芫荽黨員一定要試！佢個小食就揀咗米亭脆米豬扒，食落勁似牛扒，大大塊仲要係厚切，好味到停唔到口呀！
超愛餃子嘅我們當然唔會放過呢度嘅煎餃啦！白菜黑豚肉煎餃又別有一番風味！淨係見到個金網已經滿分啦！脆卜卜嘅底層爆汁嘅口感，愛餃人士表示好滿意呀！
📍米亭
地址: 深水埗福榮街101地舖
@day.dayeat #daydayeat #米亭 #hk #hkig #hkfood #hkfoodie #hkfoodblogger #foodie #foodporn #美食 #香港美食 #美食分享 #相機先食 #吃貨 #吃貨日常 #情侶日常 #美味しい #美食推薦 #食好西 #香港加油 #地道美食 #香港美食 #852 #食評 #香港小店
