［香港第一隻雲計算ETF］唔止有美股（仲有歐洲公司），仲有港股。南方東英3194，今日登場。0.99% 管理費。千幾蚊一手。
雖然股市好似跌得好急，但根本股市就唔會不停咁升，幾千點波幅都受唔到嘅（道指三萬幾點喎！三千點都係10%唔夠），就真係不如返屋企磨墨。
應該都講咗多次，又唔係趕住聽日交贖金（係嘅應該去買波），急乜？跌市咪有機會儲下貨。幾明顯嘅係，你見跌得最誇張嘅，當然係啲meme股發夢股，收入都未有嗰啲，市好時就鬥傻啫，市旺嘅當然一仆一碌。
咁講到尾，如果行業有好增長嘅，正路股價都會追返上嚟。咁FAAMG提得好多啦，亦都係萬億市值嘅巨企，有冇第啲玩法？
實情而家街邊阿姐都識講雲計算。原來仲話分Iaas Paas Saas，大家慢慢研究。但，雖然有人覺得巧立名目，之但係行業係真係得嘅。我講得當然係有收入（部份有盈利）啦，唔係得個吹字話之後會稱霸全世界但一個仙收入都冇嘅公司（例如 Nikola之類）
之前Patreon都寫咗一堆文，睇堆大科企業績（下面有啲在嗰邊拎過嚟，覺得正嘅記住訂）。咁考下大家，Amazon靠乜賺錢？你答賣嘢。啱一半，請先Define「賺錢」。講收入當然係賣嘢賣嘢再賣嘢，但計operating profit，AWS先係貢獻最多。利錢好高。
今年第一季，AWS嘅收入去到135億美金，按年升32%，增長係咁多年最勁。咁當然，Amazon個收入增長，講緊44%—但利潤又係另一樣嘢。AWS嘅盈利差不多42億，按年升36%（上一季增速係28%），亦佔咗公司差不多一半利潤。Profit margin 去到30.8%，上季只係28%
同樣地，微軟最大收入來源係乜？一樣係雲計算。好多人好有期望嘅Azure，上季收入按年增長 50%（公司一路冇公開實數幾多錢）。商業雲方面（主要係Office 365），收入177億，升33%。智能雲收入呢？151億，升23%，高過街估嘅149億。智能雲有乜？包埋Azure，仲有其他一堆包括：Windows Server, SQL Server, Visual Studio, GitHub and Enterprise Services — 而成間微軟收入先417億。
最後，當然提埋Google Cloud．首先搞清楚，Google essentially 都係一間廣告公司（YouTube + Search + Google Map），廣告佔八成收入，按年增長32%。但，反而係雲計算嘅收入快啲，按年升46%—更重要係，雖然仲係蝕錢，但蝕少咗好多，好相信短期內有機會轉為賺錢
講咗咁多，南方東英今日嘅呢隻3194，就係香港第一隻雲計算ETF。留意仲係
「全球雲計算科技指數ETF」，因為唔止有美股，亦有港股（例如阿里巴巴9988）
睇返頭五大持股，都係美股，大公司。Oracle，Google，SAP（德國公司，但在美國上市），Amazon同埋Adobe。詳細名單在佢地網頁都有。總共50隻，中長線買都OK。再尋根究底嘅，佢追蹤嘅係Solactive全球雲計算科技指數，三個月執位一次。
咁仲有最基本嘅嘢，管理費0.99%。一手100股，你預應該大約1550蚊一手，細細粒容易食。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
faamg etf 在 美股这一次能够被再次拯救吗？短线上涨和下跌何种走势概率更 ... 的推薦與評價
重要财报前瞻| FAAMG 五大巨头财报重磅来袭，美股这一次能够被再次拯救吗？短线上涨和下跌何种走势概率更大？ 5.4K views 1 month ago. ... <看更多>