關於 foodiesdnn西灣河 ，我們在網路上蒐集到這些相關的討論、資訊與評價

《🐷🐽🐷🐽》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
👁‍🗨白酒煮荷蘭藍青口配薯條 (7.5/10)💲 168 (300g)
.
➰呢個藍青口比平時食既顏色橙色深少少，食落冇沙冇腥味🤤白酒忌廉汁好香口，配埋青口食非常吾錯😇兩個人食300g已經夠哂，份量都算多，不過薯條就冇咩特別，勝在啖啖薯，又夠粗身，份量可以再多啲啲🤭
.
👁‍🗨大豬集匯拼盤(7/10) 💲 498
.
➰離到既時間驚訝左一陣，因為真係好誇張😂全部都係豬，份量亦都幾多，裡面有豬手，乳豬件，豬肋骨，脆皮豬腩，煙燻芝士腸，烤薯，法邊豆😂個人幾鍾意佢既豬手，啖啖肉，咸味十足，不過食多幾舊就會覺得有點咸，但係點佢既芥末籽忌廉醬就可以減低咸度，又增添左多一個層次感😇乳豬件就夠哂惹味，豬肋骨略嫌太過梅身，失色左啲😞
.
👁‍🗨豬皮脆片配牛油果醬(7/10) 💲78
.
➰大大塊豬皮脆片，好有罪惡感，食完都怕太熱氣，不過食落吾會覺得油膩係佢既賣點🤡牛油果醬可以再濃牛油果味多一點
.
🔛 整體評分（7/10)
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍The Salted Pig (西灣河)
地址:西灣河鯉景灣蘇豪東B期太康街45號地下GB8-10號舖(西灣河站A出口)
營業時間：
星期一至五 11:30-00:00
星期六至日 10:30-00:00
#FoodiesDNN西灣河
#FoodiesDNN香港

《一人一鍋🍲》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
呢日夜晚八點幾經過，發現全店滿座兼有人龍，係好奇心既逼使之下，朋友同我都幾想試，好彩等左大概半個鐘就有得入座🤤店鋪唔算特別大，有二三十個座位左右，因為呢度主打係一人一鍋，所以每個位都有一個嵌左係檯度既電子爐🤔
.
👁‍🗨 蟲草花養生小火鍋（7.5/10）💲72
.
➰ 叫左個養生鍋，湯底係豬骨清湯，望落隻色好清，本身都驚會淡，但係原來食落係幾夠味架☺️面頭已經見到有一撮嘅蟲草花，仲有三大粒紅棗，增加左湯底既甜味🤗雞脾肉口感嫩滑，而美國肥牛片上檯時係捲埋一舊，要自己快啲揚返鬆佢🐮仲有Q彈正方形魚腐、玉子豆腐、台灣腸、包心菜、紫洋蔥、冬瓜、金菇、番茄、粟米等，全部不過不失🤓每鍋跟一款主食，有米線、台灣手工拉麵、台灣新竹粉絲、公仔麵、白飯任均選擇，揀左個台灣手工拉麵，無論賣相定口感都有幾分似彈牙既烏冬😍
.
👁‍🗨 沙茶雞脾肉小火鍋（7.5/10）💲72
.
➰ 朋友叫左另一款鍋，其實除左個湯底之外，其他配料大致上相同🙆🏻‍♀️沙茶底味道香濃，帶有沙爹味既沙茶底撈埋所有配料一齊食，相當惹味，吾會過咸🤡
.
👁‍🗨 日本芝士丸 + 長豆卜（7/10）💲12 + 10
.
➰ 其實本身個鍋既料都唔少，不過當日我無食晏晝既關係，就追加多左啲配料🤭大部份都係普通野，所以唔會話好高要求，只要全部無咩雪味就可以輕鬆過關🤣呢度既豆卜好大粒，吸汁能力好高😛
.
👁‍🗨 魚皮餃 + 白蘿蔔（7/10）💲12 + 10
.
➰ 特別可以一提既係，白蘿蔔清甜無渣🥕
.
👁‍🗨（左）夏日的摩摩茶（7.5/10）💲+6 (跟鍋)
.
➰ 跟餐係有包一樣中杯飲品，我額外加錢要大杯夏日的摩摩茶😳雜果唔係用罐頭，而係新鮮水果粒，有蘋果同橙等都幾驚喜🍎🍊水蜜桃汁唔會好甜，而且尤其係底部會飲得出有茉莉花茶，食火鍋時夠曬解渴🥤
.
👁‍🗨（右）茉莉花 Mojito（7/10）💲+6 (跟鍋)
.
➰ 朋友既呢杯都係額外加錢，叫得mojito都一定會估倒杯野會有青檸同埋薄荷葉🌿青檸味非常突出，好開胃，岩哂食完咁惹味既野，fresh 一fresh😇不過個人略嫌佢既茉莉花茶底遜色左啲，飲到最尾先微微飲倒有茉莉花茶既味道😳
.
🔛 整體評分（7.5/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍101手工小火鍋 (西灣河)
地址：西灣河筲箕灣道108號6號地舖 (西灣河B出口)
營業時間：
星期一至日 12:00-22:00
#FoodiesDNN西灣河
#FoodiesDNN香港 @ 101手工小火鍋